تالاسبەك اسەمقۇلوۆ (1955-2014) – كۇيشى، جازۋشى، زەرتتتەۋشى، كينودراماتۋرگ. بايجىگىت كۇيشىنىڭ (18 ع.) مۇراسىن، كەت-بۇعا (13 ع.), قوتان-تايشى (13 ع.), تاتتىمبەت (19 ع.), ءجۇنىسباي ستامباەۆتىڭ ۇمىتىلعان كۇيلەرىن ءبىزدىڭ زامانعا جەتكىزگەن دومبىراشى.

CD-البومعا 73 كۇي ەندى. بايجىگىت پەن تاتتىمبەت كۇيلەرىمەن قاتار، بۇرىن-سوڭدى جارىق كورمەگەن قوتان تايشى، قاساباي، قىزىلمويىن قۋاندىق، اقاي قاجى، اققىز، ءجۇنىسباي ستامباەۆتاردىڭ كۇيلەرى جانە تالاسبەك اسەمقۇلوۆتىڭ ءوزى شىعارعان 8 كۇيى توپتاستىرىلعان.

جاڭادان جاريالانىپ تۇرعان كۇيلەر قۇرمانعازى اتىنداعى الماتى كونسەرۆاتورياسىنىڭ فولكلور لابوراتورياسىنان (جەتەكشى  سايدا داۋكەەۆا), تالاسبەك اسەمقۇلوۆتىڭ، ساۋلە جانە گساۆە اللەستەر (فرانتسيا), ءمۇسلىم امزە، باقتيار امانجولدىڭ جەكە مۇراعاتتارىنان الىنعان.

جيناققا تالاسبەكتىڭ ناعاشى اتاسى، ۇستازى ءجۇنىسباي ستامباەۆتىڭ 1965  جىلعى اۋديوجازباسى  ەنگەن. ءجۇنىسباي ستامباەۆ (1891-1973, ايعىز، شقو) ەكى روماننىڭ باس كەيىپكەرىنىڭ پروتوتيپى: م. ماعاۋيننىڭ "كوكبالاق" رومانىنداعى توقسابا  جانە ت. اسەمقۇلوۆتىڭ ء"تالتۇس" رومانىنداعى سابىت. جازبا 2015 جىلى سانكت-پەتەربۋرگتە قالىپقا كەلتىرىلگەن.

ءجۇنىسباي كۇيشىنىڭ بۇرىن بەلگىلى «قوڭىر قاز» كۇيىنە ەندى تاعى 6 كۇي قوسىلىپ وتىر، جيىنى 7 كۇي.

تۇساۋكەسەردىڭ قۇرمەتىنە مارقۇمنىڭ ءىزباسار شاكىرتتەرى دومبىراشىلار سارسەنعالي جۇزباەۆ، قايرات ايتباەۆ، رۇستەم نۇركەنوۆ، ايتولقىن توقتاعان، اقجۋسان يمانعازىقىزى جانە قوبىزشى اقنار شارىپباەۆا ۇيىمداستىرعان كونتسەرت وتەدى. كونتسەرتتى اقىن ەربول الشىنباي جۇرگىزەدى.

كىرۋ - تەگىن. كەلىڭىزدەر، اتا-بابا ءۇنىن ەستيىك.

CD-البومعا ەنگەن كۇيلەر تۋرالى تولىعىراق ت.اسەمقۇلوۆتىڭ وtuken.kz سايتىنان وقي الاسىز.

تەل. 8 777 6934513, پوشتا: zira-n@yandex.kz

وتەتىن ورنى: استانا قالاسى، ۇلتتىق اكادەميالىق كىتاپحانا.

14 مامىر 2016 جىل، ساعات 12:00-دە  

اباي-اقپارات