جاقىندا «استانا ەكسپو – 2017 ۇلتتىق كومپانياسى» اق مەن وڭتۇستىك قازاقستان وبلىسى اكىمدىگى جالپى سوماسى 10 ميلليارد تەڭگەنى قۇرايتىن  مەموراندۋمعا  قول قويدى.

وقو ورتالىعى شىمكەنت قالاسىندا وتكەن بۇل شاراعا «استانا ەكسپو – 2017 ۇلتتىق كومپانياسى» اق باسقارما توراعاسىنىڭ ورىنباسارى ەربول شورمانوۆ مىرزا مەن وبلىس اكىمىنىڭ ورىنباسارى قاتىستى.

اتالعان مەموراندۋمعا قول قويۋ شاراسى اياسىندا وڭتۇستىك قازاقستان جانە جامبىل وبلىستارىنىڭ مامانداندىرىلعان تاۋار ءوندىرۋشى كومپانيالارىنىڭ كورمەسى ۇيىمداستىرىلدى. ال بۇل كورمەگە 50-دەن استام وتاندىق كومپانيا ءوز تاۋارلارىن ۇسىندى.

ولاردىڭ قاتارىندا ترانسفورماتورلار، كەرامينكا ءوندىرىسى، بولشەك-قۇرىلىس ماتەريالدارى، قولونەر، تىگىن ونەركاسىبى مەن ەلەكتر جابدىقتارىن ازىرلەيتىن كومپانيالار بار.  سونىمەن قاتار، تۋريستىك كومپانيالار ءوڭىردىڭ بارلىق قوناقجايلىلىعىن قامتيتىن ءۇش كۇندىك جانە بەس كۇندىك تۋرلار تۋرالى ارنايى كورسەتىلىم جاساپ، پرەزەنتاتسيالار ۇسىندى.

ءوز كەزەگىندە وڭىردەگى جاس ونەر تاپقىشتار «جاسىل ەنەرگەتيكا» باعىتىنداعى  تۋىندىلارىن ۇسىندى.

سونداي-اق، ءىس-شارالار بارىسىندا «استانا ەكسپو – 2017 ۇلتتىق كومپانياسى» اق باسقارما توراعاسىنىڭ ورىنباسارى ەربول شورمانوۆ مىرزا وڭىردەگى ەرىكتىلەر توبىمەن دە كەزدەسىپ، «ەكسپو - 2017» كورمەسىندە قىزمەت ەتەتىن ەرىكتىلەردىڭ ماڭىزى زور ەكەنىن اتاپ ايتتى.

ء«بىز «ەكسپو - 2017» كورمەسىن تاماشالاۋعا كەلەتىن قوناقتارىمىزعا كورمە بيلەتتەرىمەن قوسا ارنايى تۋرلار ۇيىمداستىرىپ وتىرمىز. بۇل ارقىلى وزگە مەملەكەتتەردەن كەلەتىن قوناقتارىمىز قازاقستاننىڭ وڭىرلەرىن ارالاپ، قازاقستان حالقىنىڭ قوناقجايلىعىمەن دە تانىساتىن بولادى. سوندىقتان ءبىز وڭىرلەردەگى تۋريستىك كومپانيالاردى قويان-قولتىق جۇمىس جۇرگىزۋگە شاقىرامىز»،-دەدى «استانا ەكسپو – 2017 ۇلتتىق كومپانياسى» اق باسقارما توراعاسىنىڭ ورىنباسارى ەربول شورمانوۆ مىرزا.

كەزدەسۋلەر بارىسىندا جالپى سوماسى 10 ميلليارد تەڭگەنى قۇرايتىن 5 مەموراندۋم مەن 7 كەلىسىمگە قول قويىلدى.

ايتا كەتەيىك، قازىرگى تاڭدا «استانا ەكسپو – 2017 ۇلتتىق كومپانياسى» اق ەلىمىزدىڭ 13 وبلىسىمەن جانە استانا، الماتى قالالارىمەن مەموراندۋمعا قول قويعان. سونىڭ ىشىندە 232  وتاندىق تاۋار ءوندىرۋشى كاسىپورىندارمەن جالپى سوماسى 23 ميلليارد تەڭگەنى قۇرايتىن كەلىسىمگە قول قويىلعان.

ەستەرىڭىزگە سالا كەتەيىك، «استانا ەكسپو – 2017 ۇلتتىق كومپانياسى» اق 2013 جىلدىڭ 15-قاڭتارىندا حالىقارالىق «ەكسپو-2017» كورمەسىنىڭ دايىندىق جانە ۇيىمداستىرۋ جۇمىستارىن رەتتەۋ ماقساتىندا قۇرىلعان. ال اتالعان كورمە 2017 جىلدىڭ 10-ماۋسىمى مەن 10-قىركۇيەك ايلارى ارالىعىندا استانا قالاسىندا وتەدى دەپ جوسپارلانعان.

ال استانادا وتەتىن  حالىقارالىق «ەكسپو - 2017» كورمەسىنە ۇزىن سانى 100 مەملەكەتتەن 10-نان استام حالىقارالىق ۇيىمدار جانە يننوۆاتسيالىق تەحنولوگيا سالاسى بويىنشا الەمنىڭ ەڭ ۇزدىك 10 كومپانياسى قاتىسادى دەپ كۇتىلۋدە. سونداي-اق، «استانا ەكسپو – 2017» كورمەسىنە ەلىمىزدەن جانە شەتەل ەلدەردەن 2-5 ميلليوننان استام تاماشالاۋشى كەلەدى دەپ جوسپارلانعان.

قوسىمشا مالىمەتتەردى: «استانا ەكسپو – 2017 ۇلتتىق كومپانياسى» اق ءباسپاسوز قىزمەتىنەن الا الاسىزدار. تەل.:+7(7172) 919463, e-mail: pr@expo2017astana.com, www.expo2017astana.com

Abai.kz