جاقسى تەندەنتسيانى بايقادىم. وزگە دياسپورا وكىلى، بىراق ەلىمىزدىڭ ازاماتتارى قازاقستاننىڭ مۇددەسىن قورعاپ باستادى، ءبارى ەمەس ارينە، دەگەنمەن قوعامدىق پىكىر قالىپتاستىرا الاتىن ازاماتتار باتىل تۇردە ويلارىن ءبولىسىپ جاتىر.

اسىرەسە، رەسەيدىڭ بىزگە قاتىستى ەكونوميكالىق بولسىن، اقپاراتتىق بولسىن ساياساتىنا اشىق قارسىلىق بىلدىرگەندەر بار. (رەسەي ماسس مەدياسىنىڭ ەكسپانسياسى، ورتاق ۆاليۋتا تۋرالى ۇسىنىس ت.ب. ). ءبىزدىڭ قوعامعا، اسىرەسە قازاقتارعا وسى جايتتى ويلانۋ كەرەك. "رەسەي ورىستار ءۇشىن" دەيتىن سىندى "قازاقستان قازاقتار ءۇشىن" دەگەن ۇراندى ايتۋ - تۇسىنگەن ادامعا اسا قاۋىپتى. مىنانى ءبىلىپ الايىق، ادامدا قازاقستان پاسپورتى بار بولسا بولدى، ول وسى ەلدىڭ قورعاۋىندا، ۇلتىنا، دىنىنە ت.ب. قاراماستان ءبارىمىزدىڭ قۇقىعىمىز تەڭ. ەندى بىزگە "قازاق ەمەسسىڭ" دەپ كوكىرەكتەن يتەرگەندى توقتاتۋ ماڭىزدى. مەملەكەتتىك ءتىلدى بىلمەسە دە وسى ەلدىڭ پاتريوتتارى جەتەرلىك، ولار اقىرىن بولسىن قازاق ءتىلىن ۇيرەنىپ الاتىنىنا سەنەمىن، ءتىپتى بولماعاندا ۇرپاعى بىلەتىن بولادى. ءتۇبى مەملەكەتتىك قىزمەتكە ءتىلدى بىلمەسەڭ المايتىن دەڭگەيگە جەتەمىز. بىزدە باعالاۋدىڭ ءبىر عانا كريتەريى بولۋى ءتيىس سىندى، ول - قازاقستاننىڭ پاتريوتى ما، الدە ەمەس پە. الەم تاريحىندا وزگە ۇلتتىڭ وكىلى بولسا دا ءوز ەلىنىڭ دامۋىنا ولشەۋسىز ەڭبەك ەتكەن تۇلعالار كوپ-اق.

رۋسلان جەلدىباي

Facebook-تەگى پاراقشاسىنان