الماتى. 15 ماۋسىم. قازتاگ - الەمدەگى ءىرى بولات قۇيۋشى كومپانيالاردىڭ ءبىرى - «ارسەلورميتتال تەمىرتاۋ» تەمىرتاۋدا ءىرى ينۆەستيتسيالىق جوبانى جۇزەگە اسىرۋ مەرزىمىن تاعى دا كەيىنگە قالدىردى، دەپ حابارلايدى كومپانيانىڭ ءباسپاسوز قىزمەتى قازتاگ اگەنتتىگىنە.

«تەمىرتاۋدا جاڭا زاۋىتتىڭ قۇرىلىسىنا كەلەتىن بولساق، كومپانيا بۇل جوبادان باس تارتىپ وتىرعان جوق، تەك جۇزەگە اسىرۋ مەرزىمى عانا كەيىنگە قالدىرىلدى»، - دەلىنگەن كومپانيانىڭ قازتاگ اگەنتتىگىنىڭ سۇراۋىنا بەرگەن جاۋابىندا.

جوبانى جۇزەگە اسىرۋ مەرزىمى اتالماي وتىر.

ءباسپاسوز قىزمەتىندەگىلەردىڭ تۇسىندىرۋىنشە، بۇل «جوبانى مۇقيات ويلاستىرۋ» قاجەتتىلىگىنە بايلانىستى. «بۇگىنگى نەگىزگى ماسەلە - شيكىزات بازاسىن قۇرۋ. قازىر يندۋستريا مينيسترلىگىمەن بىرگە جاڭا زاۋىتتىڭ عانا ەمەس، جاڭا شاحتالاردىڭ قۇرىلىسى بويىنشا جوبالاۋ جۇمىستارى جۇرگىزىلىپ جاتىر. بۇل باعىتتا جۇمىس توبى قۇرىلدى»، - دەپ حابارلايدى كومپانيا وكىلدەرى.

«ارسەلورميتتال تەمىرتاۋ» «جىلىنا 4 ملن توننا بولاتتى قوسىمشا وندىرۋگە مۇمكىندىك بەرەتىن جاڭا قۋاتتاردى ىسكە قوسۋدى جوسپارلاپ وتىر، ياعني كەلەشەكتە تەمىرتاۋداعى كومبيناتتىڭ وندىرىستىك قۋاتى جىلىنا 10 ملن توننانى قۇرايدى».

الماتى. 15 ماۋسىم. قازتاگ - الەمدەگى ءىرى بولات قۇيۋشى كومپانيالاردىڭ ءبىرى - «ارسەلورميتتال تەمىرتاۋ» تەمىرتاۋدا ءىرى ينۆەستيتسيالىق جوبانى جۇزەگە اسىرۋ مەرزىمىن تاعى دا كەيىنگە قالدىردى، دەپ حابارلايدى كومپانيانىڭ ءباسپاسوز قىزمەتى قازتاگ اگەنتتىگىنە.

«تەمىرتاۋدا جاڭا زاۋىتتىڭ قۇرىلىسىنا كەلەتىن بولساق، كومپانيا بۇل جوبادان باس تارتىپ وتىرعان جوق، تەك جۇزەگە اسىرۋ مەرزىمى عانا كەيىنگە قالدىرىلدى»، - دەلىنگەن كومپانيانىڭ قازتاگ اگەنتتىگىنىڭ سۇراۋىنا بەرگەن جاۋابىندا.

جوبانى جۇزەگە اسىرۋ مەرزىمى اتالماي وتىر.

ءباسپاسوز قىزمەتىندەگىلەردىڭ تۇسىندىرۋىنشە، بۇل «جوبانى مۇقيات ويلاستىرۋ» قاجەتتىلىگىنە بايلانىستى. «بۇگىنگى نەگىزگى ماسەلە - شيكىزات بازاسىن قۇرۋ. قازىر يندۋستريا مينيسترلىگىمەن بىرگە جاڭا زاۋىتتىڭ عانا ەمەس، جاڭا شاحتالاردىڭ قۇرىلىسى بويىنشا جوبالاۋ جۇمىستارى جۇرگىزىلىپ جاتىر. بۇل باعىتتا جۇمىس توبى قۇرىلدى»، - دەپ حابارلايدى كومپانيا وكىلدەرى.

«ارسەلورميتتال تەمىرتاۋ» «جىلىنا 4 ملن توننا بولاتتى قوسىمشا وندىرۋگە مۇمكىندىك بەرەتىن جاڭا قۋاتتاردى ىسكە قوسۋدى جوسپارلاپ وتىر، ياعني كەلەشەكتە تەمىرتاۋداعى كومبيناتتىڭ وندىرىستىك قۋاتى جىلىنا 10 ملن توننانى قۇرايدى».

سونىمەن قاتار، تاۋ-كەن بايىتۋ سالاسىنداعى ساراپشىلاردىڭ اگەنتتىككە حابارلاۋىنشا، باستاپقىدا زاۋىتتىڭ قۇرىلىسىن 2009 جىلى باستاۋ جوسپارلانعان بولاتىن، بىراق جوبانى جۇزەگە اسىرۋ الەمدىك قارجى داعدارىسىنا بايلانىستى 2010 جىلعا كەيىنگە شەگەرىلدى.

بۇرىن رەسەيلىك باق كاسىپورىننىڭ تەحنيكالىق ديرەكتورى ۆاديم باسينگە سىلتەمە جاساپ، بولات قۇيۋشى الىپ تەمىرتاۋدا جاڭا مەتاللۋرگيالىق زاۋىتتىڭ قۇرىلىسىنا 2011 جىلدان ەرتە كىرىسپەيتىنىن حابارلاعان بولاتىن. ۆ. باسين مەرزىمنىڭ كەيىنگە شەگەرىلۋىن ءوز شيكىزاتىنىڭ جەتىسپەۋشىلىگىمەن جانە الەمدىك بولات نارىعىنىڭ تۇراقسىزدىعىمەن بايلانىستىرعان بولاتىن.

ءوز كەزەگىندە بيىلعى جىلى ناۋرىزدا قازاقستان پرەزيدەنتى نۇرسۇلتان نازارباەۆ زاۋىتتىڭ قۇرىلىسى بويىنشا جۇمىستاردى 2010 جىلدىڭ 1 شىلدەسىنەن باستاۋدى ۇسىنعان بولاتىن.

تەمىرتاۋدا جاڭا مەتاللۋرگيالىق زاۋىتتى جوبالاۋعا كەلىسىمشارتقا «ارسەلورميتتال تەمىرتاۋ» اق مەن «ءداستۇر & Co LTD» كومپانياسىمەن ارادا 2008 جىلدىڭ قازان ايىندا قول قويىلدى. قۋاتى جىلىنا 4 ملن توننا، قۇنى $7 ملرد زاۋىت بولات ءوندىرىسىن جىلىنا 10 ملن تونناعا جەتكىزۋگە ءتيىس.

«ارسەلورميتتال» كومپانياسىنىڭ قۇرامىنا كىرەتىن «ارسەلورميتتال تەمىرتاۋ» اق - كومىر، تەمىر كەنىن ءوندىرۋشى، ەنەرگەتيكالىق بازاسى بار ينتەگراتسيالانعان تاۋ-كەن-مەتاللۋرگيا كەشەنى. كومپانيانىڭ قۇرامىنا تەمىرتاۋداعى مەتاللۋرگيا كومبيناتى، قاراعاندى وبلىسىنداعى 8 كومىر شاحتاسى. قاراعاندى، اقمولا، قوستاناي وبلىستارىندا تەمىر كەنىن ءوندىرۋ بويىنشا 4 كەنىشى بار.

«ارسەلورميتتال تەمىرتاۋ» اق پوليمەر، مىرىش، اليۋميني جابىندىسى بار تەگىس جانە سۇرىپتى پروكات وندىرىسىنە ماماندانعان، سونداي-اق، اگلومەرات، تەمىر كەنىنىڭ ، كومىر كونتسەنتراتىن، كوكس، شويىن، بولات شىعارادى.