بۇگىن يراكتا تيكريت قالاسىنىڭ ماڭىنداعى اسكەري بازاعا شابۋىل كەزىندە كەمىندە 15 جاۋىنگەر قازا تاۋىپ، 22-ءسى جارالاندى.

شابۋىلعا بەس جانكەشتى قاتىسقان. يراك قاۋىپسىزدىك قىزمەتىنىڭ مالىمەتىنشە، ولاردىڭ ەكەۋى بۇرىن اقش قارۋلى كۇشتەرىنە تيەسىلى بولعان Camp Speicher اسكەري بازاسىنىڭ قاقپاسىنىڭ الدىندا كولىكتەردى جارعان. قالعان ۇشەۋى يراك پوليتسەيلەرى جاتتىعاتىن اۋماققا باسىپ كىرگەن سوڭ، وزدەرىن جارىپ جىبەرگەن. «يسلام مەملەكەتى» ەكسترەميستىك توبى ينتەرنەت ارقىلى شابۋىلدى وزدەرى ۇيىمداستىرعانىن مالىمدەدى.

بىرنەشە كۇن بۇرىن يراك بيلىگى 2015 جىلدىڭ جازىندا سودىرلار باسىپ العان رامادي قالاسىن ازات ەتكەنى تۋرالى حابارلاعان ەدى. سوڭعى جىلدارى «يسلام مەملەكەتىنىڭ» سودىرلارى يراكتىڭ سولتۇستىگى مەن باتىسىنىڭ ەداۋىر بولىگىنە باقىلاۋ ورناتىپ ۇلگەردى.

Abai.kz