يم سودىرلارى ليۆيانىڭ مۇناي تەرمينالىن شابۋىلدادى
دۇيسەنبى كۇنى ليۆيانىڭ سولتۇستىگىندە «يسلام مەملەكەتى» راديكالدى توبىنىڭ سودىرلارى مەن ليۆيالىق قاۋىپسىزدىك كۇشتەرىنىڭ اراسىندا ەس-سيدر پورتىنداعى ەكسپورتتىق مۇناي تەرمينالى ءۇشىن ۇرىس بولدى.
كەي دەرەك بويىنشا، ەكى كۇزەتشى مەن ون سودىر قازا تاپقان. ۇرىس بارىسىندا شابۋىلداۋشىلار كەم دەگەندە ەكى مينالانعان كولىكتى جارعان. جانارماي باگىنا سنارياد تيۋىنەن ۇلكەن ءورت بولعان. قارۋلى كۇشتەردەگى دەرەككوز ۇرىس ناتيجەسىندە، سودىرلاردى تىقسىرۋدىڭ ءساتى تۇسكەنىن حابارلادى.
France-Presse اگەنتتىگى سودىرلاردىڭ راس-ەل-انۋف قالاسىنا دا شابۋىل جاساعانىن حابارلايدى. ليۆيا جاعالاۋىنداعى سيرت قالاسىن باقىلاۋىندا ۇستاپ وتىرعان يم توبىنىڭ مۇشەلەرى سوڭعى بىرنەشە اپتا بويى شىعىس باعىتتا جىلجۋعا جانە ەلدەگى ماڭىزدى مۇناي نىساندارىن باسىپ الۋعا تىرىسۋدا.
اباي-اقپارات
