بالح اتتا ءۋالاياتىنىڭ گۋبەرناتورى، وپەراتسيانى باسقارعان موحامماد نۇر Facebook پاراقشاسىندا بۇل اقپاراتتى راستادى. جەرگىلىكتى پوليتسيا باسقارماسىنىڭ باسشىسى سايەد كامال سادات وپەراتسيانىڭ ءبىر كۇنگە سوزىلعانىن، وپەراتسيا كەزىندە ەلشىلىككە شابۋىل جاساعان ءتورت ادام دا قازا تاپقانىن حابارلادى.

3 قاڭتار كۇنى اۋعانستاننىڭ مازاري-شاريف قالاسىندا ءۇندىستان كونسۋلدىعى عيماراتىندا ەكى جارىلىس بولعانى تۋرالى اقپارات تاراعان. اۋعانستان پوليتسياسى سول كۇنى شابۋىلدىڭ بەتى قايتارىلعانىن، بىرنەشە سودىر كورشى عيماراتقا بەكىنىپ العانىن حابارلاعان. وقيعا بارىسىندا كەمىندە ءبىر بەيبىت تۇرعىن جارالانعان. قازا تاپقاندار مەن جارالىلار تۋرالى ناقتى مالىمەت جوق. شابۋىلدى ەشقانداي توپ موينىنا المادى.