استانا قالاسىنىڭ مەملەكەتتىك ورگاندارى استانا قالاسى، ەسىل اۋدانى، تەلمان كەنتى، اققەمەر كوشەسى 25 ۋچاستوك مەكەنجايى بويىنشا “سايدا سانى، قۇمدا ءىزى جوق” مال بازاسىن 2007 جىلى تىركەپ، زاڭسىز جەر بەرۋىنىڭ ناتيجەسىندە، (قۇجات بويىنشا اققەمەر كوشەسى 2/2 ءۇيدىڭ) 3 پاتەردىڭ قابىرعاسى، كوشەگە شىعاتىن ەسىگىمەن قوسا جەمقور شەنەۋنىكتەردىڭ «قيالىنداعى ۆيرتۋالدى بازانىڭ” ىشىنە كىرىپ كەتكەن.

شەنەۋنىكتەردىڭ ويىنشا وسى ۋاقىتقا دەيىن ءبىز ۇيىمىزگە ولاردىڭ قيالىنداعى بازانىڭ قابىرعاسىن تەسىپ كىرىپ جۇرگەن ەكەنبىز.

بۇل جايت ماعان 2013 جىلىڭ قازان ايىندا "ۆيرتۋالدى بازانىڭ” جاڭا قوجايىندارى قورشاۋ سالىپ، ۇيگە كىرەتىن جولدى جاۋىپ تاستاعان كەزدە بەلگىلى بولدى. سودان بەرى استانا قالاسىنىڭ اكىمىنە، ەسىل اۋدانىنىڭ اكىمىنە، ادىلەت مينيسترىنە، مەملەكەتتىك قىزمەت جانە سىبايلاس جەمقورلىق جونىندەگى اگەنتتىككە، استانا قالاسىنىڭ مەملەكەتتىك ورگاندارىنا جازعان ارىزدارىمنان ەشقانداي ناتيجە شىقپادى. اقوردادان ءۇش شاقىرىم جەردە تۇرعان وسى قيالىنداعى بازانىڭ بار-جوعىن تەكسەرۋ سوندايلىق قيىن با؟

عيماراتقا جالعان قۇجات جاساپ، مەملەكەتتىك تىركەۋدەن وتكىزۋ، جەر بەرۋ، ساتىپ جىبەرۋ كەم دەگەندە 5 مەملەكەتتىك مەكەمە ارقىلى وتەتىندىكتەن، بۇل شارۋا ەكىنىڭ ءبىرىنىڭ قولىنان كەلمەيدى. قۇجاتتاردىڭ جالعان ەكەنىنە كۇمان جوق، سەبەبى اققەمەر كوشەسى 25 ۋچاستوك مەكەنجايى بويىنشا ەشقانداي بازا بولعان ەمەس. 

2000 جىلدان بەرى تەلمان پوسەلكەسىندە ماعان تيەسىلى جالعىز عانا بازا بار، وعان وسى جەردە تۇراتىن تۇرعىنداردىڭ ءبارى كۋا. بىراق، استانا قالاسىنىڭ اكىمشىلىگى ءتۇرلى سىلتاۋ ايتىپ،  ماعان جەر بەرۋدەن ەكى رەت باس تارتتى. ال مەنىڭ وتىنىشتەرىمدى كەرى قايتارعاننان كەيىن “سايدا سانى، قۇمدا ءىزى جوق” مال بازاسىنا 2400 شارشى مەتر جەر بەرىلگەن.

اتالعان باسسىزدىقتار ەلىمىزدىڭ باس عيماراتى اقوردادان ءۇش شاقىرىم جەردە بولىپ جاتىر! 

ونىڭ ۇستىنە مەنىڭ شاعىمىم بويىنشا سوت وسى “سايدا سانى، قۇمدا ءىزى جوق ۆيرتۋالدى بازانىڭ” ورىنىندا كوشپەلى جيىن وتكىزىپ، ارىزىمدى كەرى قايتارعان سوڭ سىزدەردەن كومەك سۇراۋعا ءماجبۇرمىن.

شوكىباەۆ تۇرسىن ءسادۋۇلى

Abai.kz