وش. 14 ماۋسىم. قازتاگ - الدىن الا مالىمەتتەرگە سايكەس، قىرعىزستاننىڭ وڭتۇستىگىندەگى جاپپاي تارتىپسىزدىكتەرگە بايلانىستى 80 ءورت وقيعاسى تىركەلدى، دەپ حابارلايدى توتەنشە جاعدايلار مينيسترلىگى.

تجم مالىمەتتەرى بويىنشا، 11 -12 ماۋسىمدا وشتا ءورت تۋرالى 40 حابار تۇسكەن، ورتكە قارسى كۇرەس بولىمشەسىنىڭ كۇشتەرى 27 ءورتتى ءسوندىردى. وقيعالار ءۇش سۋپەرماركەتتە، 6 ءدامحانا-مەيرامحانادا، 40 تۇرعىن ۇيدە شىققان.

تارتىپسىزدىكتەر كەزىندە بابىر اتىنداعى مۋزىكالىق اكادەميالىق وزبەك تەاترىنىڭ كورەرمەن زالى ورتەنىپ كەتتى، «وش گارنيزونىنىڭ جەكە قۇرامى تۇگەل دابىل بويىنشا اياعىنان تىك تۇرعىزىلدى. ورتپەن كۇرەسكە قۇرامىندا 45 ادام مەن وفيتسەرلىك قۇرامنىڭ 10 وكىلى بار ورتكە قارسى 10 توپ تارتىلدى»، - دەپ حابارلايدى مينيسترلىكتىڭ ءباسپاسوز قىزمەتى.

ءورت ءسوندىرۋ كەزىندە 12-ءشى اسكەري ءورت ءسوندىرۋ قىزمەتىنىڭ جەكە قۇرامىنىڭ ومىرىنە ۇلتارالىق نەگىزدە قاقتىعىسۋشى تۇلعالار تاراپىنان قاۋىپ ءتوندى. ناتيجەسىندە ءورت قاۋىپسىزدىگى باسقارماسىنىڭ (وقب) 7 قىزمەتكەرى دەنە جاراقاتىن الدى. ولاردىڭ ۇشەۋى اۋرۋحاناعا جەتكىزىلسە، ەكەۋى وش وبلىستىق كلينيكالىق اۋرۋحاناسىنىڭ نەيروحيرۋرگيا بولىمىنە، بىرەۋى "قىرعىز-چەك" اۋداندىق اۋرۋحاناسىنا جاتقىزىلدى. سونداي-اق، وش گارنيزونىنىڭ اتس-40 ماركالى ورتكە قارسى 2 كولىگى (زيل-130) قيراتىلدى، ولاردىڭ الدىڭعى جانە ەكى جاعىنداعى تەرەزەلەرى سىندىرىلدى.

وش. 14 ماۋسىم. قازتاگ - الدىن الا مالىمەتتەرگە سايكەس، قىرعىزستاننىڭ وڭتۇستىگىندەگى جاپپاي تارتىپسىزدىكتەرگە بايلانىستى 80 ءورت وقيعاسى تىركەلدى، دەپ حابارلايدى توتەنشە جاعدايلار مينيسترلىگى.

تجم مالىمەتتەرى بويىنشا، 11 -12 ماۋسىمدا وشتا ءورت تۋرالى 40 حابار تۇسكەن، ورتكە قارسى كۇرەس بولىمشەسىنىڭ كۇشتەرى 27 ءورتتى ءسوندىردى. وقيعالار ءۇش سۋپەرماركەتتە، 6 ءدامحانا-مەيرامحانادا، 40 تۇرعىن ۇيدە شىققان.

تارتىپسىزدىكتەر كەزىندە بابىر اتىنداعى مۋزىكالىق اكادەميالىق وزبەك تەاترىنىڭ كورەرمەن زالى ورتەنىپ كەتتى، «وش گارنيزونىنىڭ جەكە قۇرامى تۇگەل دابىل بويىنشا اياعىنان تىك تۇرعىزىلدى. ورتپەن كۇرەسكە قۇرامىندا 45 ادام مەن وفيتسەرلىك قۇرامنىڭ 10 وكىلى بار ورتكە قارسى 10 توپ تارتىلدى»، - دەپ حابارلايدى مينيسترلىكتىڭ ءباسپاسوز قىزمەتى.

ءورت ءسوندىرۋ كەزىندە 12-ءشى اسكەري ءورت ءسوندىرۋ قىزمەتىنىڭ جەكە قۇرامىنىڭ ومىرىنە ۇلتارالىق نەگىزدە قاقتىعىسۋشى تۇلعالار تاراپىنان قاۋىپ ءتوندى. ناتيجەسىندە ءورت قاۋىپسىزدىگى باسقارماسىنىڭ (وقب) 7 قىزمەتكەرى دەنە جاراقاتىن الدى. ولاردىڭ ۇشەۋى اۋرۋحاناعا جەتكىزىلسە، ەكەۋى وش وبلىستىق كلينيكالىق اۋرۋحاناسىنىڭ نەيروحيرۋرگيا بولىمىنە، بىرەۋى "قىرعىز-چەك" اۋداندىق اۋرۋحاناسىنا جاتقىزىلدى. سونداي-اق، وش گارنيزونىنىڭ اتس-40 ماركالى ورتكە قارسى 2 كولىگى (زيل-130) قيراتىلدى، ولاردىڭ الدىڭعى جانە ەكى جاعىنداعى تەرەزەلەرى سىندىرىلدى.

«قاقتىعىسۋشى جاقتاردىڭ وش قالاسىنىڭ وقب قىزمەتكەرلەرىنە شابۋىلدارى سالدارىنان ءورت سوندىرۋشىلەر يۋجنىي، فۋركات، دوستىق شاعىن اۋداندارىنداعى ءورت وقيعالارىنا شىعا المادى»، - دەپ اتاپ ءوتتى ءباسپاسوز قىزمەتى. ونىڭ مالىمەتىنە سايكەس، 12 -13 ماۋسىمدا وشتا 16 ءورت تىركەلدى.

جالال-اباد وبلىسىندا 9 ءورت وقيعاسى تىركەلدى، ونىڭ 6 -ۋى جەكە تۇرعىن ۇيلەردە بولعان. «ساعات 23.30-دا ءىىم ارنايى جاساعىمەن بىرگە جالال-ابادتىڭ 20-شى ءىوب لەنين كوشەسىندەگى حالىقتار دوستىعى ۋنيۆەرسيتەتىنە بەت الدى. جولدا ءورت قىزمەتىنىڭ كولىكتەرىنە بەلگىسىز بىرەۋلەر قارۋدان وق جاۋدىردى. وسىنىڭ سالدارىنان ورتكە قارسى كۇرەس قىزمەتىنىڭ ءبىر قىزمەتكەرى يىعىنان جاراقات الدى... ول قالالىق اۋرۋحاناعا جەتكىزىلدى»، - دەپ حابارلايدى ءباسپاسوز قىزمەتى.

13-14 ماۋسىمدا وشتا 14 ءورت وقيعاسى تىركەلدى. جالال-اباد وبلىسىندا 5 ءورت، جالال-ابادتا 11 ءورت وقيعاسى.

ءباسپاسوز قىزمەتىندەگىلەردىڭ اتاپ كورسەتۋىنشە، كوپتەگەن ءورت وقيعالارى سول جەردەگى اشۋ-ىزاعا تولى ازاماتتاردىڭ ارەكەتىنە بايلانىستى سوندىرىلگەن جوق.