دۋشانبەدەگى مەملەكەتتىك نىسانداردىڭ جانىندا جانە ادام اياعى كوپ جينالاتىن ورىنداردا ءتارتىپ ساقشىلارىنىڭ سانى كوبەيگەن.

تاجىكستان ىشكى ىستەر مينيسسترلىگىنىڭ رەسمي وكىلى دجالوليددين سادريددين قاۋىپسىزدىك شارالارىن كۇشەيتۋ قۇقىق قورعاۋ ورگاندارىنىڭ دايىندىعىن پىسىقتاۋ ماقساتىندا قولعا الىنعانى تۋرالى حابارلادى. «جەكە قۇرامنىڭ دايىندىعىن تەكسەرۋ – ادەتتەگى شارا. جاعداي بىرقالىپتى. مۇنداي تەكسەرۋ ايىنا ءبىر-ەكى مارتە بوپ تۇرادى»، - دەدى ول.

قازىر بەكەتتەردە ماي قىزمەتكەرلەرىمەن بىرگە كولىكتەردى قارۋلى ارنايى جاساق تەكسەرۋدە. مۇنداي جاعدايدى قورعان-توبە مەن كۋليابتان دا كورۋگە بولادى. 

تاجىكستاندا قاۋىپسىزدىك شارالارىن شۇعىل كۇشەيتۋ سوڭعى رەت، بىلتىرعى جىلدىڭ قىركۇيەك ايىنداعى وقيعالاردان سوڭ جانە ۇجىمدىق قاۋىپسىزدىك تۋرالى كەلىسىمشارت ۇيىمىنىڭ دۋشانبەدەگى ءسامميتىنىڭ قارساڭىندا قولعا الىنعان ەدى.