جوعوركۋ كەنەشتىڭ ءبىر توپ دەپۋتاتى كاسىپكەرلەردى سالىق بويىنشا تەكسەرۋگە موراتوري جاريالاتىن زاڭ جوباسىن ۇسىندى. قۇجات زاڭ شىعارۋشى ورگاننىڭ رەسمي سايتىندا جاريالانعان.

زاڭ جوباسى بويىنشا، كاسىپكەرلەردى  اكىمشىلىك جۇمىستاردان بوساتۋ، ازاماتتاردىڭ ەكونوميكالىق بەلسەندىلىگىن ارتتىرۋ جانە بيزنەسپەن اينالىساتىنداردىىڭ سانىن كوبەيتۋ ماقساتىندا 2016 جىلى ءساۋىردىڭ 1-نەن جەلتوقساننىڭ 31-نە دەيىن سالىقتىق تەكسەرۋگە موراتوري جاريالاۋ كوزدەلگەن.

باستاماشىل توپ زاڭ جوباسىنىڭ قازىرگى داعدارىس كەزىندە اسا قاجەت ەكەنىن جانە وتاندىق بيزنەس وكىلدەرىنە ۇلكەن كومەك بولاتىنىن ايتۋدا. زاڭ جوباسىندا زاڭسىز تەكسەرۋلەردىڭ جولىن كەسەتىن تەتىكتەر قاراستىرىلعان.

الايدا زاڭ جوباسى قىلمىستىق ىستەر اياسىندا جانە سالىقتان جالتارۋ تۋرالى مالىمەتتەر پايدا بولعاندا، قۇزىرلى ورگانداردىڭ تالابىمەن سالىقتىق تەكسەرۋ جۇرگىزۋ مۇمكىندىگىن قالدىرىپ وتىر.

قسدپ فراكتسياسىنىڭ دەپۋتاتتارى ازىرلەگەن زاڭ جوباسى پارلامەنتتە قاڭتاردىڭ 27-دە تىركەلگەن. ەندى ول كوميتەتتەر مەن پلەنارلىق جينالىستاردا تالقىدان وتەدى.

Abai.kz