استانادا قازاقستان پرەزيدەنتى نۇرسۇلتان نازارباەۆتىڭ توراعالىعىمەن «نۇر وتان» پارتياسىنىڭ XVII كەزەكتەن تىس سەزى ءوتىپ جاتىر، — دەپ حابارلايدى Tengrinews.kzء تىلشىسى. سەزدە پارتيانىڭ سايلاۋالدى باعدارلاماسى تانىستىرىلادى، سونىمەن قاتار ماجىلىسكە دەپۋتاتتىققا ۇمىتكەرلەردىڭ ءتىزىمى جاريالانادى دەپ كۇتىلىپ وتىر.

كەزەكتەن تىس ءماجىلىس سايلاۋى جانە بارلىق دەڭگەيدەگى كەزەكتى ءماسليحات سايلاۋى بيىل 20 ناۋرىزدا وتەدى.

قر پارلامەنتى ءماجىلىسىنىڭ دەپۋتاتتىعىنا ۇمىتكەرلەردىڭ تىزىمىنە 127 ادام كىرەدى. ونىڭ ىشىندە رەسپۋبليكادا تانىمال ساياساتكەرلەر، قوعام قايراتكەرلەرى، سپورتشىلار جانە ارتىستەر بار.

كەي مالىمەتتەرگە سۇيەنسەك، پارتيا تىزىمىنە قازاقستاندىق اكتەر نۇرلان ءالىمجانوۆ كىرەدى، ول «كوشباسشى جولى» تسيكلىنىڭ «وتتى وزەن» جانە «تەمىرتاۋ» فيلمدەرىندە نازارباەۆتىڭ جاس كەزىن سومداعان بولاتىن. سونىمەن قاتار، بولجام بويىنشا، تىزىمدە بوكستان وليمپيادا چەمپيونى سەرىك ساپيەۆ تە بار.

سەزگە قازاقستاندىق تانىمال بوكسشى گەننادي گولوۆكين قاتىسادى.

Abai.kz