الاش كوسەمى ءاليحان بوكەيحاننىڭ 150 جىلدىعىن اتاپ وتۋگە قازاقستان ۇكىمەتى قارجى بولەتىن بولدى دەپ حابارلايدى 31 ارنا.

بارشا قازاقتى تولعاندىرعان ماسەلەگە قاتىستى مادەنيەت جانە سپورت ءمينيسترى ارىستانبەك مۇحامەديۇلى وسىلاي دەپ جاۋاپ بەردى.

يۋنەسكو كولەمىندە تويلانعالى وتىرعان شاراعا بيلىكتەن اقشا بولىنبەيدى دەگەندى ەستىپ، قاراپايىم ازاماتتار قاراجات جيناۋ تۋرالى باستاما كوتەرگەن بولاتىن. وسى ۇسىنىس شىمبايلارىنا باتتى ما، ايتەۋىر مينيستر ۇلت كوسەمىنىڭ مەرەيتويى ەلەۋسىز قالمايدى دەپ وتىر. سونداي-اق، ناقتى قانداي ءىس-شارالاردىڭ جوسپارلانعانىن اشىپ ايتپاعان ارىستانبەك مۇحامەديۇلى، قانشا قارجى سۇراتقانى تۋرالى دا جاق اشپادى.

“ۇكىمەتتىڭ قاۋلىسى بار. ءاليحان بوكەيحانوۆتىڭ 150 جىلدىعىن وتكىزۋ تۋرالى. قازىر بيۋدجەت تاعى دا قاراستىرىلىپ جاتىر اقپاندا. ءبىز ارينە بيۋدجەتتىك ۇسىنىس بىلدىردىك. ءبىز قازىر جوسپار قۇردىق. ءاليحان بوكەيحانوۆتىڭ 150 جىلدىعىن كەڭىنەن اتاپ ءوتۋ. ول قوستانايدا، الماتىدا، رەسپۋبليكادا حالىقارالىق كونفەرەنتسيالار. ءبىز مىندەتتى تۇردە اتاپ وتەمىز”، – دەيدى مادەنيەت جانە سپورت ءمينيسترى ارىستانبەك مۇحامەديۇلى.

اباي-اقپارات