Sky News تەلەكومپانياسىنا بەرگەن سۇحباتىندا Amnesty International ۇيىمىنىڭ داعدارىس باعدارلاماسىنىڭ ديرەكتورى تيرانا حاسان ۇيىم اۋە سوققىلارىنىڭ مەكتەپ، اۋرۋحانا جانە تۇرعىن ۇيلەردى نىساناعا اللعانى تۋرالى دالەلدەرى جەتكىلىكتى ەكەنىن ايتتى.

حاساننىڭ ايتۋىنشا رەسەيلىك شاقتاردىڭ ءبىر جەردى ەكىنشى مارتە بومبالاۋىنىڭ سالدارىنان بەيبىت تۇرعىندارمەن بىرگە، جارالانعاندارعا كومەكتەسۋگە جانە ولگەندەردىڭ مايىتتەرىن الىپ شىعۋعا كەلگەن گۋمانيتارلىق ميسسيا قىزمەتكەرلەرىنىڭ دە قازا بوپ جاتقان جاعداي ءجيى كەزدەسەدى.

15 اقپاندا الەپپو قالاسىنىڭ شىعىس بولىگىندەگى بومبانىڭ استىندا قالعان تۇرعىن ۇيلەر تۋرالى بەينەجازبا شىقتى. وندا قۇتقارۋشىلاردىڭ رەسەيلىك اۋە شابۋىلدارىنان قازا تاپقان 5 جاستاعى بالانىڭ مۇردەسىن ءۇيىندى استىنان شىعارىپ جاتان ساتتەرى كورسەتىلەدى. مارقۇممەن بىرگە ونىڭ اناسى، قارىنداسى جانە ەگىز باۋىرى دا قازا تاپتى. جانە بۇل قايعىلى جاعداي وپپوزيتسيالىق ەركىن سيريالىق اسكەرىنىڭ قاراۋىنداعى اۋداندا بولدى.

قۇتقارۋشىلار ءوز كەزەگىندە ازاماتتىق نىساندار كۇن سايىن اۋە سوققىسىنا ۇشىرايتىنىن، ونىڭ ىشىندە تىيىم سالىنعان كاسسەتالىق بومبالار مەن جارىلىس اۋقىمى وتە ۇلكەن (تەرموباريكالىق) بومبالاردىڭ قولداانىلاتىنىن ايتىپ وتىر.