الەۋمەتتىك جەلىلەر مەن حابارلاندىرۋ سايتتارىندا وسىنداي سپورتتىق سنارياد ءۇشىن 10 مىڭ دوللار ۇسىنۋدا. ونداي كىر تاسى ءۇشىن استانانىڭ ىرگەسىندەگى ءۇيىن بەرۋگە دايىندار دا بار.

وسىنداي حابارلاندىرۋلار پايدا بولىسىمەن، ەلدىڭ كوپتەگەن ازاماتى الىپ-ساتۋدان پايدا كورۋ ءۇشىن، كىر تاستارىن ساتىپ الا باستاعان.

قازاقستاننىڭ ماڭعىستاۋ وبلىسىندا كىر تاستارىن ۇيدەن ۇرلاۋ وقيعالارى دا تىركەلگەن. ادامداردىڭ وسىنداي كىر تاسىن ساتۋدان پايدا تاپقانى تۋرالى ناقتى دەرەك جوق. ەسەسىنە، ونداي كىر تاسىن الدىن-الا ساتىپ الىپ قويىپ، ەندى وتكىزە الماي جۇرگەندەر تۋرالى اقپارات كەزدەسەدى.

​قازىر كىر تاسىن كوپ اقشاعا ساتىپ الاتىندارى تۋرالى حابارلاندىرۋلار سيرەك، كەرىسىنشە، سپورتتىق سنارياد ساتاتىندارى تۋرالى جارناما كوبەيگەن. باق وكىلدەرى بۇل كادىمگى الاياقتىقتىڭ ءبىر ءتۇرى دەپ توپشىلايدى.

ءبىر اي بۇرىن وسىنداي جاعداي تاجىكستاندا بولعان ەدى. ول جاقتا دا بەلگىسىز بىرەۋلەر كەڭەس كەزىندە شىققان كىر تاستارىن 10 مىڭ دوللارعا دەيىن اقشاعا ساتىپ الاتىندارى تۋرالى حابارلاندىرۋلار تاراتقان بولاتىن.

اباي-اقپارات