وباما مەن پۋتين كەزدەسۋىنەن وڭ ناتيجە شىقپايدى
اقش مەملەكەتتىك حاتشىسى وباما مەن پۋتين كەزدەسۋىنەن وڭ ناتيجە شىعاتىنىنا كۇمان كەلتىرەدى، - دەپ حابارلايدى اباي-اقپارات.
«يسلام مەملەكەتى» (يم) ەكسترەميستىك ۇيىمىنا قارسى دەرجاۆالار اراسىنداعى ۇيلەستىرۋ ءىسى ءالى ناقتىلىققا كوشكەن جوق دەپ مالىمدەدى اقش مەملەكەتتىك حاتشىسى دجون كەرري نيۋ-يوركتە. ول بۇل جايىندا رەسەي ءسىم سەرگەي لاۆروۆپەن كەزدەسۋ كەزىندە جۋرناليستەرگە ايتتى. ەكى ساياساتكەر جەكسەنبى كۇنى ۆاشينگتون مەن ماسكەۋ اراسىنداعى سۇراقتاردى تالقىلادى.
لاۆروۆتىڭ تۇسىندىرۋىنشە، رەسەيدىڭ يران، يراك جانە سيريا بارلاۋشىلارى اراسىنداعى ءوزارا اقپارات الماسۋعا قاتىسۋلارىنىڭ ماقساتى يم-عا قارسى ۇيلەستىرۋ ىسىنە كىرۋى.
كەرريدىڭ ايتۋىنشا، دۇيسەنبى كۇنى باراك وباما مەن ۆلاديمير پۋتين كەزدەسەدى. بىراق كەزدەسۋدەن وڭ ناتيجە شىعادى دەگەنگە ءوزىنىڭ كۇمانىن ءبىلدىردى.
سەنبى كۇنى كەرري سيريا جانە يەمەندەگى جاعدايعا قاتىستى ديالوگ ورناتۋ ءۇشىن يران ءسىم مۇحاممەد جاۆاد زاريفپەن كەزدەستى.
اباي-اقپارات
