وسى شاڭىراقتى اۋداندا دوسسور دەگەن ەلدى مەكەن بار. اكىمى جارىلعاسىن يسماعۇلوۆ. جاقسى باسشى ەكەنىندە كۇمانىم جوق، بالكىم قىزمەتكەرلەر جەتكىزبەي جۇرگەن شىعار. جاسىراتىن نەسى بار، ءبىر سەميا ءۇشىن جۋرناليست ات تەرلەتىپ دوسسورعا بارا قويمايدى. سوندىقتان وسى جەردە جازايىن. (ودان بولەك حات تا جولدانادى). جەرگىلىكتى باسشىلار ەستىپ، حالىققا جاعداي جاسار.

دوسسوردا ءۇشىنشى اۋىل دەگەن جەر بار. سول جەردە جالعىزباستى انا ەزىموۆا مانار، مۇگەدەك بالا-شاعاسىمەن ءومىر سۇرەدى. ءومىر سۇرگەندە قالاي، ولمەۋدىڭ امالى ايتەۋىر. اللا بەرگەن ۇلى بار ەكەن. جاسى 18-دە. ول دا ەس بىلگەلى جۇمىس ىستەپ، وتباسىنا قولعانات بولىپ كەلە جاتىر ەكەن. ال قىزدارى اۋرۋ، ۇلكەن قىزى ءتىپتى كىشكەنتايىنان ءبىر اياعىنان ايىرىلىپ، پروتەزبەن جۇرەدى. ابدەن ءومىر سوققىسىن العان ايەلدىڭ اۋىرمايتىن جەرى جوق. بۇل كۇندە توسەك تارتىپ قالعان. ءۇي بولسا مىناۋ. ەركەگى جوق شاڭىراق، قايتسىن ەندى.

وسىنى بىلگەن جەرگىلىكتى بيلىك قالاي تاڭعى اسىن ءىشىپ، تۇندە قالاي ۇيىقتاپ ءجۇر؟ سونى تۇسىنە المادىم. بايلىققا تولى جەردى جاۋدان الىپ قالعان ولاردىڭ دا اتاسى، ولاردىڭ دا قۇقىعى بار سونىڭ جاقسىلىعىن كورۋگە. قايدا اتىراۋىڭ مەن دەگەن سەرى جىگىتتەرى؟ قانە جەرگىلىكتى لەند كرۋيزەر مەنگىش بايباتشالار؟ وسى سورلى قازاققا كومەكتەسىپ، انا بالا شاعاسىنا جاعداي جاساماعاندا نە ىستەپ جۇرسىڭدەر؟ ءار نارسەنىڭ سۇراۋى بار، اعايىن".

دوستارىمنىڭ اراسىندا كىم اتىراۋدان ەكەنىن بىلمەدىم، تانيتىن، بىلەتىندەرىڭىز بولسا باتىستىڭ نامىستى جىگىتتەرىنە جەتكىزۋ سىزگە امانات. الدا قىس كەلە جاتىر. كومەكتەسپەسە بولمايدى. اسارلاتىپ بولسىن جاعداي جاساۋ كەرەك. ەرتەڭ اق، بالالارى ءوسىپ، جاقسىلىقتارىڭىزدى ەلگە قىزمەتپەن قايتارادى، - دەپ جازادى ناعاشىبەك الدانوۆ.

بايلانىس تەلەفوندارى: ەزىموۆا ايناگۇل 8777-8719581, 8701-3286449