سەيسەنبى, 21 مامىر 2024
جاڭالىقتار 3621 0 پىكىر 26 قازان, 2015 ساعات 10:55

ماسكەۋ اباقتىسىندا جەرلەسىمىز كوز جۇمدى

رەسەيدە "الاياقتىق" ايىبى بويىنشا سوتتالعان قازاقستان ازاماتى نۇرالى تاشكەنباەۆ ماسكەۋدىڭ 4-تەرگەۋ اباقتىسىندا ءولى كۇيىندە تابىلعان. بۇل تۋرالى "ينتەرفاكس" اگەنتتىگى حابارلادى.

"كەشە كەشكە 4-تەرگەۋ اباقتىسىنداعى كامەرالاردىڭ ءبىرىنىڭ اجەتحاناسىنان 53 جاستاعى ن.تاشكەنباەۆتىڭ دەنەسى تابىلعان. الدىن الا مالىمەت بويىنشا، ول وزىنە ءوزى قول سالعان" دەگەن اگەنتتىككە قۇقىق ورگاندارىنداعى دەرەككوز.

تاشكەنباەۆ جاقىندا "اسا ءىرى كولەمدەگى اقشاعا قاتىستى الاياقتىق جاساماق بولعان" دەگەن ايىپپەن ءۇش جىل مەرزىمگە سوتتالعان. بۇل ءىستىڭ قازاقستاندا جەمقورلىق ايىبىمەن سوتتالعان شەكارا قىزمەتىنىڭ بۇرىنعى باسشىسى نۇرلان جولامانوۆقا قاتىسى بار.

تەرگەۋ جورامالى بويىنشا، 2014 جىلدىڭ قازانىنان جەلتوقسانىنا دەيىنگى ارالىقتا قازاقستان اۋماعىندا شەكارا قىزمەتىنىڭ باستىعى جولامانوۆتىڭ ۇستالىپ، قىلمىستىق جاۋاپكەرشىلىككە تارتىلعانىنان حاباردار بولعان تاشكەنباەۆ ونى بوساتۋعا جاردەمدەسەم دەگەن ۋادەمەن جولامانوۆتىڭ تۋىستارىنىڭ اقشاسىن يەلەنىپ كەتپەكشى بولعان. بىراق كەيىن ۇستالىپ، "اسا ءىرى كولەمدەگى اقشاعا قاتىستى الاياقتىق جاساماق بولعان" دەگەن ايىپپەن سوتتالعان.

رەسەي تەرگەۋ كوميتەتىنىڭ ماسكەۋ قالالىق باسقارماسىنىڭ وكىلى يۋليا يۆانوۆا نۇرالى تاشكەنباەۆتىڭ قازاسىنا بايلانىستى تەرگەۋگە دەيىنگى تەكسەرۋ ءجۇرىپ جاتقانىن ايتقان.

اباي-اقپارات

0 پىكىر

ۇزدىك ماتەريالدار

قۇيىلسىن كوشىڭ

باس گازەت ورالماندارعا نەگە شۇيلىكتى؟

ءالىمجان ءاشىمۇلى 2197
ادەبيەت

«سولاي ەمەس پە؟»

عابباس قابىشۇلى 2583
قوعام

دوس كوپ پە، دۇشپان كوپ پە؟

ءابدىراشيت باكىرۇلى 2518
ەل ءىشى...

ۇلتتىق بىرەگەيلەنۋ: قانداستاردىڭ ءرولى قانداي؟

ءومارالى ادىلبەكۇلى 1683