كوڭىلىم بۇگىن بەك كۇپتى،
ولىمگە باستار جول - تەگىن!
تابا الماي ءادىل-ەتتىكتى
ءوزىڭدى ورتە! ورتەگىن!

جانىم حاق مەنىڭ، ارىم – حاق!
وت بولىپ جاندى وركەنىم!
ومىردەن وتكىن جالىنداپ -
ءوزىڭدى ورتە! ورتەگىن!

دانكوداي وتكىن – سول كەيپىڭ،
دانكوداي مىقتى – سول تەڭىڭ!
ءومىردىڭ شىنىن كورمەيتىن
كوزىڭدى ورتە! ورتەگىن!

شىندىققا جەتۋ – مۇراتىڭ،
شىندىق ول – كيە، كوركەمىم!
بيلىككە قۇلدىق ۇراتىن
ءسوزىڭدى ورتە! ورتەگىن!

كوپ كورگەن جانىم ازدى ۇقتى،
كورە مە ماڭداي شاتتىقتى؟
ورتەگىن جاعىمپازدىقتى!
ورتەگىن جاندايشاپتىقتى!

كەشىرگىن! جاتىر قالعىپ ەل،
كورسە دە مىناۋ سۇمدىقتى.
ورتەگىن، قازاق، الدىمەن
سانادا جاتقان قۇلدىقتى!

اشىلماي كەتكەن ساندىق ەڭ،
سويعاندا قويدى ىرەيدى!
ورتەگىن، قازاق، الدىمەن
جۇرەكتە جاتقان ۇرەيدى!

ادىلدىك تابۋ -ىرىسىڭ،
كۇتپەگىن ونى، كۇت مەيلى.
مىناداي ەلدە ءبىر ءىسىڭ
وت بولىپ جانباي، بىتپەيدى!

ءامىرجان قوسانوۆ

Facebook-تەگى پاراقشاسىنان