كاسىپكەرلەر بيزنەس جانە تۋريزم سالاسى بويىنشا قالانىڭ دامۋ مۇمكىندىكتەرىن تالقىلادى، - دەپ حابارلايدى اباي پورتالى http://shymkent.gov.kz/ سايتىنا سىلتەمە جاساپ.

شىمكەنت قالاسىنىڭ 2020 جىلعا دەيىنگى الەۋمەتتىك-ەكونوميكالىق دامۋ تۇجىرىمداماسى بويىنشا جيىن م. اۋەزوۆ اتىنداعى مەملەكەتتىك ۋنيۆەرسيتەتىندە ءوتتى. وعان قالا اكىمىنىڭ ورىنباسارى نۇرالحان كوشەروۆ، قالا اكىمىنىڭ كەڭەسشىلەرى تيمۋر بايمۇحانوۆ پەن نۇرلىبەك جەڭىسبەك قاتىسىپ، جينالعانداردى الداعى 5 جىلدا تۇجىرىمداما اياسىندا بيزنەس، تۋريزم جانە اۋىلشارۋاشىلىعى سالاسىندا اتقارىلاتىن شارالاردىڭ جوسپارىمەن تانىستىردى. 
- تۇجىرىمدامادا قالامىزدىڭ الەۋمەتتىك -ەكونوميكالىق جاي-كۇيىنە سالىستىرمالى تالداۋ جاسالىنىپ، نەگىزگى كورسەتكىشتەرىنىڭ دامۋ ديناميكاسى مەن وزەكتى ماسەلەلەر كورسەتىلگەن. كاسىپكەرلىك سالاسىن وركەندەتۋ ماقساتىندا اكىمشىلىك توسقاۋىلدارعا تالداۋ جۇرگىزىلىپ، كەشەندى جوسپار قابىلدانادى. جەرگىلىكتى جانە شەتەل نيۆەستورلارىن تارتۋ ءۇشىن 100 جوبا ازىرلەنەدى، - دەدى قالا اكىمىنىڭ ورىنباسارى. 
ن.كوشەروۆتىڭ مالىمدەۋىنشە، كەلەر جىلى رەتسىز ساۋدا ورىندارىن جويۋ ماقساتىندا بىرقاتار جۇمىستار جۇرگىزىلەدى، كەي بازارلار قالا سىرتىنا كوشىرىلىپ، قايتا قۇرۋدان وتەدى. ءتۋريزمدى دامىتۋ ماقساتىندا قالامىزداعى تۋريستىك كومپانيالار رەسەي، قىتاي مەملەكەتتەرىمەن بىرلەسكەن زامانعا ساي ءتۇرلى باعدارلامالار ازىرلەپ، مارشرۋتتار ۇسىنادى. سونىمەن قاتار اۋەجاي، تەمىر جول ۆوكزالى مەن ويىن-ساۋىق نىساندارىن سالۋعا ينۆەستورلار تارتىلماق.  
دامۋ قۇجاتىنىڭ باسىم باعىتتارى تالقىلانعان جيىندا تۇرعىن-ءۇي قۇرىلىس جيناق بانكى وقو فيليالىنىڭ ديرەكتورى قاسىمبەك مالىكوۆ، وقو كاسىپكەرلەر پالاتاسى ديرەكتورىنىڭ ورىنباسارى ماقسات قاسىمبەكوۆ، جانە باسقا دا كاسىپكەرلەر ءسوز الىپ، وي-پىكىرلەرىمەن ءبولىستى. ءوز كەزەگىندە، قالا اكىمىنىڭ ورىنباسارى كاسىپكەرلەردى العا قويعان مىندەتتەردى بىرلەسە وتىرىپ جۇزەگە اسىرۋعا شاقىردى.

Abai.kz