فەرعانا جازىعىندا قاۋىپسىزدىك شاراسى كۇشەيدى
وزبەكستاننىڭ ءاندىجان قالاسىندا ءىىم مەن ۇلتتىق قاۋىپسىزدىك كوميتەتىنىڭ ۇيىمداستىرۋىمەن تەرروريزمگە قارسى جاتتىعۋ ءوتتى. بۇل جونىندە وزودليك (ازاتتىقتىڭ وزبەك قىزمەتى) حابارلايدى.
ءاندىجاننان تۇسكەن اقپارات بويىنشا، بەيسەنبى كۇنى قالادا مىلتىقتىڭ جانە اۋىر قارۋلاردىڭ داۋىستارى ەستىلگەن، كەيبىر جولدار جابىلعان.
سونىمەن بىرگە فەراعانا وبلىسىندا قاۋىپسىزدىك شارالارى بارىنشا كۇشەيتىلگەنى حابارلانادى، جەكەلەپ ايتقاندا، تۇرعىندار مەن قالاعا كەلۋشىلەردىڭ تولقۇجاتتارىن تەكسەرۋ جيىلەگەن جانە اۋدانعا كىرەتىن بەكەتتەردە دە تەكسەرۋ كۇشەيگەن.
باق-تىڭ حابارلاۋىنشا، وتكەن اپتادا تاشكەنتتە جانە تاشكەن وبلىستارىندا «يسلام مەملەكەتى» تەرروريستىك ۇيىمىنا قاتىسى بار دەلىنگەن 200-گە تارتا ادام ۇستالعان.
اباي-اقپارات
