2014 جىلى قالا بويىنشا 6728800 تەڭگەگە كۇردەلى جوندەۋدەن وتكەن 9 كوپقاباتتى تۇرعىن ءۇي (522 پاتەر) تۇرعىندارىنىڭ قول قويعان ءۇش جاقتى كەلىسىم-شارت جانە كەستەگە سايكەس نەسيەنى ۋاقىتىلى قايتارۋىنا باقىلاۋ جۇمىستارى تۇراقتى جۇرگىزىلۋدە. قازىرگى تاڭعا، 10 ايدىڭ قورىتىندىسى بويىنشا تۇرعىندار تاراپىنان قايتارىلعان قارجى 3536469 تەڭگەنى قۇراپ، 100 پايىز ورىندالدى. ءبولىم تاراپىنان بۇگىنگى تاڭدا ءار پاتەر يەلەرىن ارالاپ، تۇسىندىرمە جۇمىستارى جۇرگىزىلۋدە. بۇل تۋرالى قالا اكىمدىگىنىڭ ءباسپاسوز ورتالىعىندا وتكەن بريفينگتە قالالىق تۇرعىن ءۇي ينسپەكتسياسى ءبولىمىنىڭ باسشىسى تورەحان سۇلەيمەنوۆ ايتىپ ءوتتى. 

جاپپى قالا بويىنشا 358 كوپقاباتتى تۇرعىن ءۇي بار. كەنتاۋ قالاسى بويىنشا 2015 جىلى 37 كوپقاباتتى تۇرعىن ۇيلەردى جوندەۋ جۇمىستارىنان وتكىزۋ جوسپارلانعان. بۇگىندە ولاردىڭ قۇجاتتارى زاڭ اياسىندا كۇردەلى جوندەۋدەن تولىق وتۋگە دايىن جانە وقو تۇرعىن ءۇي-كوممۋنالدىق شارۋاشىلىق جانە جولاۋشىلار كولىگى باسقارماسى ارقىلى قر ۇلتتىق ەكونوميكا مينيسترلىگىنە تاپسىرىلعان. بولىنەتىن قارجى قاراشا ايىندا رەسپۋبليكالىق بيۋدجەتتى ناقتىلاۋ كەزىندە قارالاتىن بولادى.

قر «وڭىرلەردى دامىتۋدىڭ 2020 جىلعا دەيىنگى باعدارلاماسى» اياسىندا كەنتاۋ قالاسىندا پاتەر يەلەرىنىڭ كووپەراتيۆىن قۇرۋ (كسك) بويىنشا ءبولىم جوسپارى ءتۇزىلىپ، قالا اكىمىنىڭ ورىنباسارىمەن بەكىتىلدى. قىركۇيەك ايىندا - 1 پيك (كسك), قازان ايىندا - 4 پيك (كسك), بارلىعى-5 پيك (كسك) قۇرىلىپ، قالالىق ادىلەت باسقارماسىنان تىركەۋدەن ءوتتى. قازىرگى تاڭدا، مەجەگە سايكەس، قاراشا ايىندا قۇرىلاتىن پيك (كسك) بويىنشا تۇرعىندارمەن كەزدەسۋلەر وتكىزىلىپ، تۇسىندىرمە جۇمىستارى نەگىزىندە قۇجاتتارىن راسىمدەۋ جۇمىستارى اتقارىلۋدا.

2016-2017 جىلدارعا جوندەۋ جۇمىستارى جۇرگىزىلەتىن كوپقاباتتى تۇرعىن ۇيلەر انىقتالىپ، تۇرعىندارمەن كەزدەسۋلەر وتكىزىلىپ، كەلىسىمىن الۋ جۇمىستارى جۇرگىزىلۋدە، سونىمەن قاتار، وسىعان قاتىستى ءتيىستى قۇجاتتارى دايىندالىپ، راسىمدەلۋدە.

Abai.kz