شىمكەنتتىڭ «كورمە» ورتالىعىندا وبلىستىق ءبىلىم، جاستار ساياساتى جانە تىلدەردى دامىتۋ باسقارماسىنىڭ ۇيىمداستىرۋىمەن جاستار فورۋمى ءوتتى، - دەپ حابارلايدى اباي پورتالى شىمكەنت قالاسى اكىمدىگىنىڭ ءباسپاسوز قىزمەتىنە سىلتەمە جاساپ.

اتالعان شاراعا وبلىس اكىمىنىڭ ورىنباسارى س.تۇياقباەۆ، وبلىستىق ءماسليحات دەپۋتاتتارى مەن اۋدان، قالا اكىمدەرى، جوعارى وقۋ ورىندارىنىڭ رەكتورلارى، بەلسەندى جاستار جانە بۇقارالىق اقپارات قۇرالدارىنىڭ وكىلدەرى قاتىستى، دەپ حابارلايدى وبلىستىق اكىمدىكتىڭ ءباسپاسوز قىزمەتى.

فورۋمدا ەلىمىزدەگى مەملەكەتتىك جاستار ساياساتىنىڭ جۇزەگە اسىرىلۋى مەن جۇمىسسىزدىق ماسەلەسىن شەشۋ، اۋىل جاستارىن بيزنەسكە تارتۋ، جاستار مەن جاسوسپىرىمدەر اراسىنداعى قىلمىس پەن قۇقىقبۇزۋشىلىقتىڭ الدىن الۋ ماسەلەلەرى قارالدى. سونىمەن قاتار، وبلىس جاستارىنىڭ قوردالانعان پروبلەمالارىن شەشۋ جولدارىنىڭ ءتيىمدى مەحانيزمدەرىن تالقىلاپ، ونى جۇزەگە اسىرۋ جايى كەڭ كولەمدە تالقىلاندى.

مەملەكەتتىك جاستار ساياساتى تۋرالى زاڭ نەگىزىندە 2020 جىلعا دەيىنگى تۇجىرىمداما قابىلدانىپ، 5 ينستيتۋتسيونالدىق رەفورما ارقىلى جاستار بولاشاعى ايقىندالعان بولاتىن. سونىڭ نەگىزىندە، جاستارعا ساپالى ءبىلىم بەرۋ، جۇمىسپەن قامتۋ، كاسىپكەرلىكپەن شۇعىلدانۋىنا جاعدايلار جاسالىپ وتىرعاندىعى ءسوز بولدى.

وبلىستا 800 مىڭنان استام جاستار بولسا، 76 جاستار قوعامدىق بىرلەستىكتەرى جۇمىس ىستەيدى. 2015 جىلى «ماڭگىلىك ەل جاستارى - يندۋسترياعا» جوباسىنا وڭتۇستىكتەن 6 495 تۇلەكتەر قازاقستاننىڭ سولتۇستىك ايماقتارىنداعى جوعارى، ارناۋلى ورتا وقۋ ورىندارىندا وقۋعا ىنتا ءبىلدىردى. ناتيجەسىندە 2 939 جاس تۇلەك ستۋدەنت اتانىپ، جۇمىس كۇشى قاجەت وڭىرلەرگە اتتاندى.  

ايتا وتەيىك، فورۋم سوڭىندا وڭىرىمىزدەگى تۇيىتكىلدى ماسەلەلەر بويىنشا جاستار تاراپىنان تۇششىمدى ساۋالدار قويىلدى. قويىلعان سۇراقتار بويىنشا ارنايى حاتتامالىق تاپسىرما نەگىزدەلىپ، شەشۋگە ناقتى تاپسىرمالار بەرىلدى.

شىمكەنت قالاسى اكىمدىگىنىڭ ءباسپاسوز قىزمەتى

Abai.kz