شىمكەنتتە قوشقار اتا وزەنىنىڭ باستاۋىنان العاشقى «Street Workout» سپورتتىق الاڭشاسى اشىلدى. كوشە فيتنەسى اتاۋىمەن كوپشىلىككە تانىمال سپورتتىق الاڭشادا اۋەسقوي تۇرعىندار بەلتەمىر، قىرلى بورەنەلەر، شۆەد قابىرعالارى مەن كولبەۋ ساتىلاردا جانە باسقا كونسترۋكتسيالاردا جاسالاتىن دەنە شىنىقتىرۋ جاتتىعۋلارىن جاساۋعا مۇمكىندىگى بار.

شاراعا قاتىسقان قالا اكىمى عابيدوللا ءابدىراحىموۆ قالا تۇرعىندارىن سالاۋاتتى ءومىر سالتىن ۇستانۋعا شاقىرىپ، قۇتتىقتاۋ لەبىزىن جەتكىزدى.

– دەمەۋشىلەر ەسەبىنەن الداعى ۋاقىتتا شىمكەنتتە ءدال وسىنداي 10 الاڭشا سالىناتىن بولادى. جانە ونىڭ ەكەۋى

حالىقارالىق تالاپقا ساي بولماق. پايدالانۋعا بەرىلىپ وتىرعان بۇگىنگى الاڭشا حالىقارالىق دەڭگەيدەگى ءتۇرلى باسەكەلەردى قابىلداۋعا ءازىر، – دەيدى قالا اكىمى.

وسىدان 10 جىل بۇرىن اقش ەلىندە پايدا بولعان «Street Workout» سپورتتىق باعىتى بۇگىندە ەلىمىزدە قارقىندى تۇردە دامىپ كەلەدى. اتالمىش سپورت تۇرىمەن بۇگىندە شىمكەنت قالاسىندا 3000-عا جۋىق جاستار اينالىسۋدا.

قالا اكىمى سونداي-اق، سپورتشىلارمەن ارنايى كەزدەسىپ، الداعى جوسپارلارىمەن تانىستى. كەزدەسۋگە كەلگەن سپورتشىلار قاتارىندا ەسىمى كوپشىلىككە تانىمال مۇحتارحان دىلدابەكوۆ، ءاليا يۋسۋپوۆا، ءبىرجان جاقىپوۆ تا بار.بارەكەلدى: «قازىعۇرت» «بارسەلونامەن» تەڭ وينادى!

فۋتبولدان ايەلدەر اراسىندا ساراپقا سالىنعان ۋەفا چەمپيوندار ليگاسىنىڭ 1/16 كەزەڭىندە شىمكەنتتىك «بيىك-قازىعۇرت» كومانداسى «بيىك» سپورت كەشەنىندە يسپاندىق «بارسەلونانى» قابىلدادى.

پولشادان كەلگەن باس قازى كارولينا رادزيك-يوحاننىڭ ىسقىرىعى ەستىلىسىمەن، قوس كوماندا دا شابۋىلداۋشى ويىندى كورسەتۋگە تىرىستى. اسا شيەلەنىستى جاعدايدا وربىگەن ويىننىڭ العاشقى تايمىندا ەسەپ اشىلعان جوق. دەگەنمەن، ماتچتىڭ ەكىنشى جارتىسىندا «بارسەلونالىق» شابۋىلشى رۋت گارسيا وكسانا جەلەزنياك قاقپاسىنىڭ كىلتىن تاۋىپ، ەسەپ اشتى. دەسەك تە، نامىسقا تىرىسقان شىمكەنتتىك كلۋب ويىنشىلارى شابۋىلدارىن جيىلەتىپ، ماتچتىڭ سوڭعى مينۋتتارىندا ەسەپتى تەڭەستىردى. كلۋبتىڭ نورۆەگيالىق لەگيونەر ويىنشىسى ليزا-ماري ۆۋدس ناتيجەلى دوپتىڭ اۆتورى اتاندى. تەڭ جاعدايدا وتكەن ويىننىڭ تۇپكىلىكتى ناتيجەسى دە 1:1 ەسەبىمەن اياقتالدى.

شىمكەنتتىك «سۇڭقار» امەريكاندىق قارسىلاسىن جەڭدى

قازاق حاندىعىنىڭ 550 جىلدىعىنا وراي ۇيىمداستىرىلعان سايىسقا قازاقستان، رەسەي، جاپونيا، كورەيا، برازيليا، ارگەنتينا، كامەرۋن، اقش جانە ۋكراينادان بارلىعى 24 سپورتشى قاتىستى. وسى بايراقتى باسەكەدە قازاق ەلىنىڭ نامىسىن قورعاعان شىمكەنتتىك ارمان وسپانوۆ (لاقاپ اتى «سۇڭقار») امەريكاندىق قارسىلاسى دجو ەلموردى جەڭدى. ايتا كەتۋ كەرەك، بۇل – جەرلەسىمىزدىڭ جەتىنشى جەڭىسى.

 – وتانداسىمىز ارمان وسپانوۆ رەسەيلىك راسۋل ميرزوەۆپەن («چەرنىي تيگر») كەزدەسۋى كەرەك ەدى. الايدا «چەرنىي تيگر» جاراقاتتانىپ قالۋىنا بايلانىستى جەكپە-جەككە قاتىسا المادى. سوندىقتان ءبىزدىڭ «سۇڭقار» دجو ەلمورمەن سايىسقا شىقتى، – دەلىنگەن «Alash pride» كاسىبي جەكپە-جەك كلۋبىنىڭ ءباسپاسوز قىزمەتى حابارلاماسىندا.

 ەسكە سالا كەتسەك، 26 جاستاعى ارمان وسپانوۆ شىمكەنت سامبو مەكتەبىنىڭ تۇلەگى. ول جاۋىنگەرلىك سامبودان 2 دۇركىن الەم چەمپيونى (2013 جانە 2014), كوپتەگەن ءىرى حالىقارالىق تۋرنيرلەردىڭ جەڭىمپازى.

Abai.kz