كەشە اۋدان تۇرعىندارى كوپتەن كۇتكەن كوگىلدىر وتىن، ياعني «بەينەۋ-بوزوي-شىمكەنت» ماگيسترالدىق گاز قۇبىرىنان تاراتىلاتىن گاز قۇبىر بۇرعىشى جانە «شالدار»  اۆتوماتتىرىلعان  گاز تاراتۋ ستانساسىن ىسكە قوسۋ  راسىمىنە كۋا  بولدى.

گاز بەرۋگە جانە گاز الاۋىن جاعۋعا بايلانىستى وتكەن سالتاناتتى شاراعا  وڭتۇستىك قازاقستان وبلىسىنىڭ اكىمى بەيبىت اتامقۇلوۆ،  «كازترانسگاز» اكتسيونەرلىك قوعامىنىڭ  باس ديرەكتورى  قايرات شارىپباەۆ  جانە مەردىگەر ۇيىمدارىنىڭ وكىلدەرى مەن اۋدان تۇرعىندارى قاتىستى.

سالتاناتتى راسىمدە ءوڭىر باسشىسى  ب.اتامقۇلوۆ  قۇتتىقتاۋ ءسوز سويلەپ اشىپ،  اتالعان جوبانى ىسكە اسىرۋ،  جالپى ۇزىندىعى 32 كيلومەتردى قۇرايتىن اگتس-تى جانە «بەينەۋ-بوزوي-شىمكەنت»   ماگيسترالدىق گاز قۇبىرىنان وعان تارتىلاتىن گاز قۇبىر بۇرىشىن سالۋ «كازترانسگاز» اق-نىڭ ديرەكتورى  ءوز قاراجاتى ەسەبىنەن جۇزەگە اسىرىلعانىنع حالىققا قاجەتتى يگى ءىس جالعاسىن تاباتىنىن ايتتى.

سالتاناتتى راسىمدە ءسوز سويلەگەن  «قازترانسگاز»  اق-نىڭ ديرەكتورى  قايرات شارىپباەۆ  كومپانيا حالىقتىڭ ءال-اۋقاتىن  كوتەرۋگە اسا كوڭىل بولەتىندىگىن اتاپ ءوتتى.  قازاقستان رەسپۋبليكاسىنىڭ پرەزيدەنتى  ن.نازارباەۆتىڭ  قازاقستان حالقىنا جولداۋىن ىسكە اسىرۋ اياسىندا «قازترانسگاز» اق جەرگىلىكتى اتقارۋشى ورگاندارمەن بىرلەسىپ، رەسپۋبليكانىڭ  وڭىرلەرىن گازداندىرۋ جونىندە بەلسەندى جۇمىس جۇرگىزۋدە.

ال ءىس-شارا سوعان تولىقتاي ايعاق بولماق.   بايدىبەك اۋدانىن گازداندىرۋ  جونىندەگى جوبانىڭ ماڭىزدى ەكونوميكالىق ءمانى بار.  ءبىز ايتىلعان ۋادەلى ۋاقىتتا، ءدال جىلىتۋ ماۋسىمى باستالعان كەزدە  اۋدان حالقى كوپتەن كۇتكەن  كوگىلدىر وتىندى بەردىك.  ەندى وسى  ۇلكەن  اۋداننىڭ  52 ەلدى مەكەنىندە تۇراتىن 55 مىڭنان استام تۇرعىن العاش رەت ەڭ ىڭعايلى وتىن ءتۇرىن الۋعا مۇمكىندىك الىپ وتىر.

كوگىلدىر وتىن العاش رەت شايان اۋىلىنداعى ۇلى وتان سوعىسىنىڭ ارداگەرى بەيسەنبەك يگىسىنوۆتىڭ شاڭىراعىندا جاعىلدى.  وبلىس اكىمى ارداگەرگە شاپان جاۋىپ، قۋانىشىمەن قۇتتىقتادى.

قۋانىشتى كۇندەگى سالتاناتتى جيىنعا اعىلعان حالىق  اق جاۋىنعا قاراعان جوق.  اۋدان اكىمدىگى عيماراتى الدىندا  اقشاڭقاي اسەم توعىز بىردەي كيىز ءۇي تىگىلىپ، اۋەزدى ءان توگىلىپ تۇردى.  اۋەلى جينالعان ءدۇيىم جۇرت  «التىن كۇز»  جارمەنكەسىنە وراي  بارلىق اۋىل اكىمشىلىكتەرى ۇسىنعان  ونىمدەردى ارالاپ كورىپ، قاجەتتىسىن ساتىپ الدى.  ودان كەيىن جۇرتشىلىق «جاستار سارايى» مەكەمەسى جانىنا جاعالاي اۋدانىمىزدىڭ ءبىلىم وشاقتارى الىپ كەلگەن كورمەنى تاماشالاپ، ەرەكشە بۇيىمداردى قىزىقتادى.

اۋدان حالقى ۇلان اسىر تويىن ءوز تويىنان كەم كورمەي ارنايى ات باسىن بۇرعان ەسىمدەرى ەلگە تانىمال جەرلەستەرىمىز لەبىزگە تولى ىقىلاستارىن ءبىلدىرىپ جاتتى. قۋانىشتى كۇنگە ا.لەۋباەۆا باستاعان ايتىسكەر اقىندارىمىز دا كەلدى.  ورتالىق الاڭ تورىنە قويىلعان لەد ەكران ارقىلى تۇرعىندار  بايدىبەك اۋدانىنا  كەلۋىن بىلدىرەتىن سيمۆوليكالىق فاكەل  الاۋىنىڭ جاعىلۋىن تاماشالادى. مادەنيەت ءۇيىنىڭ انشىلەرى كونتسەرتتىك باعدارلاماسىن ۇسىنسا، العاباستىق تسيرك ونەرپازدارى بۇل شارادان قالىس قالماي، ونەرلەرىن كورسەتتى.

baydibek.gov.kz