شىمكەنتكە  ەكى كۇندىك جۇمىس ساپارىمەن كەلگەن قر دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا جاڭا ەڭبەك كودەكسىنىڭ نورمالارىن، سونىمەن قاتار، ازاماتتىق قىزمەتكەرلەردىڭ ەڭبەكاقى تولەۋ جۇيەسىندەگى  وزگەرىستەردى 2016-2019 جىلدارعا ارنالعان ەلىمىزدىڭ دەنساۋلىق ساقتاۋ سالاسىن دامىتۋدىڭ «دەنساۋلىق» جاڭا مەملەكەتتىك باعدارلاماسى جانە الەۋمەتتىك قامسىزداندىرۋ جايىن ءتۇسىندىرىپ بەردى.

 اۋرۋدى الدىن الۋ شارالارىن كۇشەيتۋ قاجەت

ت. دۇيسەنوۆا وڭتۇستىكتەگى جۇمىس ساپارىن شىمكەنتتەگى مەديتسينالىق ۇيىمداردى ارالاۋدان باستادى. ۆەدومستۆو باسشىسى ەڭ الدىمەن وبلىستىق كلينيكالىق اۋرۋحانا جانىنان اشىلعان ساll-ورتالىققا باردى. وڭىرىمىزدەگى 112 مەديتسينالىق مەكەمە بەكىتىلگەن ورتالىققا ازاماتتار دەنساۋلىعىنا قاتىستى ارىز-شاعىمدارىن جەتكىزە الادى. سونىڭ ناتيجەسىندە ءتيىستى الەۋمەتتىك كومەك كورسەتىلەدى.

مۇنان سوڭ تامارا دۇيسەن-وۆا وبلىستىق ونكولوگيالىق ديسپانسەردىڭ بۇگىنگى احۋالىمەن تانىستى. دارىگەرلەرمەن كەزدەسۋدە مينيستر حالىق اراسىندا اۋرۋدىڭ الدىن الۋ شارالارىن كۇشەيتىپ، ەل ىشىندە ناسيحاتتى كوبەيتۋ كەرەگىن اتاپ ءوتتى. وبلىستىق كارديولوگيا ورتالىعىندا بولىپ، وندا جۇرەكتەگى اقاۋدى ەمدەۋ ءۇشىن كوپتەگەن وتا ءتۇرىن جاساۋعا مۇمكىندىكتەرى بار ەكەنىنە كوز جەتكىزدى.

ازاماتتىق قىزمەتكەرلەردiڭ جالاقىسىكوتەرiلەدi

 جۇمىس ساپارىنىڭ ەكىنشى كۇنى مينيستر بيۋدجەتتىك سالا قىزمەتكەرلەرىمەن كەزدەستى. وندا تامارا دۇيسەنوۆا 2016 جىلدىڭ 1 قاڭتارىنان باستاپ ەنگىزىلەتىن ازاماتتىق قىزمەتكەرلەردىڭ ەڭبەكاقىسىن تولەۋ جۇيەسىنىڭ جاڭا ۇلگىسى تۋرالى ايتىپ بەردى. ەندى ازاماتتىق قىزمەتكەرلەردى بىلىمىنە، بىلىكتىلىگىنە، اتقاراتىن قىزمەتىنىڭ كۇردەلىلىگى مەن دارەجەسىنە قاراي A,B,C,D دەگەن ءتورت ساناتقا ءبولۋ كوزدەلگەن. تارقاتىپ ايتار بولساق، A بلوگىنا – ۇيىمنىڭ دامۋ ستراتەگياسى ءۇشىن جاۋاپ بەرەتىن جانە باسقارۋ شەشىمدەرىن قابىلدايتىن باسقارۋشى، B بلوگىنا ۇيىمنىڭ نەگىزگى فۋنكتسيالارىنىڭ ىسكە اسىرىلۋىن قامتاماسىز ەتەتىن نەگىزگى توپ، C بلوگىنا – اكىمشىلىك-قۇقىقتىق جانە شارۋاشىلىق فۋنكتسيالارىن ورىندايىن اكىمشىلىك بلوگى، D بلوگى – قوسالقى جانە تەحنيكالىق فۋنكتسيالاردى ىسكە اسىراتىن قوسالقى توپ كىرەدى. وسى جاڭا ۇلگى ەنگىزىلگەن سوڭ، بىلىكتىلىگىنە بايلانىستى نەگىزگى قىزمەتكەرلەردىڭ جالاقىسى ارتادى. ماسەلەن، دەنساۋلىق ساقتاۋ سالاسىندا 7 پايىزدان 28 پايىزعا دەيىن، ءبىلىم بەرۋ سالاسىندا 15 پايىزدان 29 پايىزعا دەيىن جانە وزگە سالالاردا 28 پايىزدان 40 پايىزعا دەيىن جالاقى وسەدى.

– قىزمەتكەردىڭ ءبىلىمى، بىلىكتىلىك دەڭگەيى، ەڭبەك ءوتىلى، ساناتىنا جانە تاعى باسقاسىنا قاراي ءوسىم سارالاناتىن بولادى. ياعني، نەگىزگى مامان رەتىندە ەڭبەكاقىسىن الادى. ماسەلەن، مۇعالىمدەر تۋرالى ايتار بولساق، قازىر ولار جالاقىسىنىڭ 38 پايىزىن مامان رەتىندە الادى، ال داپتەر تەكسەرگەنى مەن سىنىپ جەتەكشىلىگى ءۇشىن 52 پايىز تولەنەدى. جاڭا ەڭبەك كودەكسى بويىنشا، نەگىزگى ەڭبەكاقى 75 پايىز، ال ۇستەمە اقى 25 پايىز بولادى. بۇل رەتتە رەسپۋبليكالىق بيۋدجەتتەن 273 ميلليارد تەڭگە قارالىپ وتىر. جالپى، ەلىمىزدە 1 ميلليون 200-دەن استام ازاماتتىق سالا قىزمەتكەرلەرى بار،-دەدى مينيستر ت. دۇيسەنوۆا.

مۇگەدەكتەردiڭ جاµدايى باستى نازاردا

ءمينيستردىڭ «RIXOS» قوناق ۇيىندە ارداگەرلەرمەن، مۇگەدەكتەرمەن جانە ۇكىمەتتىك ەمەس ۇيىمداردىڭ وكىلدەرىمەن وتكەن كەزدەسۋىنە وبلىس اكىمى بەيبىت اتامقۇلوۆ تا قاتىستى. كەزدەسۋ بارىسىندا ت. دۇيسەن-وۆا كەلەسى جىلدان باستاپ زەينەتاقى 7 پايىزعا جانە مۇمكىندىگى شەكتەۋلى ازاماتتار مەن اسىراۋشىسىنان ايىرىلعان وتباسىلارعا بەرىلەتىن جاردەماقى 25 پايىزعا كوتەرىلەتىنىن حاباردار ەتتى. ءوز سوزىندە مينيستر الەۋمەتتىك، ءبىلىم جانە دەنساۋلىق ساقتاۋ سالالارىنا رەسپۋبليكالىق بيۋدجەتتىڭ 40 پايىزى جۇمسالاتىنىن تىلگە تيەك ەتتى. ەلىمىزدە 625 مىڭ مۇگەدەك بار ەكەن. ونىڭ باسىم كوپشىلىگىنىڭ ماماندىعى نەمەسە جوعارى ءبىلىمى جوق. وسى رەتتە جاڭا ەڭبەك كودەكسى بويىنشا، ولاردى جۇمىسقا ورنالاستىرۋعا باسا نازار اۋدارىلادى. ماسەلەن، وسىعان دەيىن، ءار مەكەمە 3 پايىزعا دەيىن مۇگەدەكتەرگە جۇمىس ورنىن اشۋعا مىندەتتى ەدى. قازىر 4 پايىزعا ارتتى.

«دەنساۋلىق» جاڭا مەملەكەتتiك باعدارلاماسى تانىستىرىلدى

مۇنان سوڭ مينيستر ت. دۇيسەنوۆا وبلىس اكىمدىگىندە دەنساۋلىق ساقتاۋ سالاسىنىڭ قىزمەتكەرلەرىمەن كەزدەستى. وندا 2011-15 جىلدارداعى «سالاماتتى قازاقستان» مەملەكەتتىك باعدارلاماسىنىڭ ورىندالۋ بارىسىن باعامدادى. باعدارلاما اياسىندا وڭتۇستىكتە 93 مەديتسينالىق ۇيىم كۇردەلى جوندەۋدەن ءوتىپ، 304 الەۋمەتتىك نىسان سالىندى. سونىمەن قاتار، كەزدەسۋدە 2016-2019 جىلدارعا باعىتتالعان «دەنساۋلىق» جاڭا مەملەكەتتىك باعدارلاماسى تۋرالى ايتىلدى. باعدارلامانىڭ باستى ماقساتى – ەل تۇرعىندارىنىڭ ءومىر ءسۇرۋ ۇزاقتىعىن 73 جاسقا دەيىن ۇلعايتۋ.

مينيستر جاڭا ەڭبەك كودەكسiن ءتۇسiندiردi

«Karlskrona» جشس-دە جۇمىس بەرۋشىلەرمەن كەزدەسكەن تامارا قاسىمقىزى جاڭا ەڭبەك كودەكسىندەگى وزگەرىستەردى ەگجەي-تەگجەيلى ءتۇسىندىرىپ بەردى. جاڭا كودەكستە جۇمىس بەرۋشىلەر مەن جۇمىسكەرلەر اراسىنداعى باقىلاۋ كۇشەيتىلگەن. جۇمىسقا قابىلداۋ، وزگە جۇمىسقا اۋىسۋ جانە جۇمىستان بوساتۋ فۋنكتسيالارى جەڭىلدەتىلگەن. ءمينيستردىڭ ايۋىنشا، جۇمىس بەرۋشى مەن جۇمىسكەردىڭ اراسىنداعى ماسەلەلەرگە بايلانىستى ارىز-شاعىمداردىڭ كوپ بولۋى ەڭبەك كودەكسىن قايتا قاراۋعا تۇرتكى بولىپتى.

اۋدان جانە قالا اكىمدەرىنىڭ ورىنباسارلارى، وبلىستىق الەۋمەتتىك باعدارلامالار جانە جۇمىسپەن قامتۋدى ۇيلەستىرۋ باسقارماسىنىڭ وكىلدەرىمەن وتكەن كەزدەسۋدە تامارا قاسىمقىزى ازاماتتاردى ەڭبەكپەن قامتۋ ماسەلەلەرىن تالقىلادى. مينيستر جەرگىلىكتى اتقارۋشى ورگاندارعا ءاربىر جۇمىسپەن قامتىلعان ازاماتقا زەينەتاقى اۋدارىلىمدارىنىڭ ءتۇسىپ تۇرۋىن باقىلاۋ قاجەتتىگىن اتاپ ايتتى.

ەڭبەك كودەكسىندەگى نورمالار پرەزيدەنت قاراۋىنا جىبەرىلگەن. ەلباسى تاراپىنان قولداۋ تاپسا، كەلەسى جىلدىڭ 1 قاڭتارىنان باستاپ جاڭا كودەكس ءوز كۇشىنە ەنەتىن بولادى.

Abai.kz