جاقىندا «نۇر وتان» پارتياسىنىڭ سايرام اۋداندىق فيليالىنىڭ ۇيىمداستىرۋىمەن «بىرىڭعاي اشىق ەسىك كۇنى» اياسىندا  قوعامدىق قابىلداۋ وتكىزىلدى. بۇل تۋرالى abai.kz  پورتالى حابارلايدى.  

وعان اۋداندىق  قۇقىق قورعاۋ جانە جەرگىلىكتى اتقارۋشى ورگاندار مەملەكەتتىك ورگاندار، اۋداندىق ءماسليحات دەپۋتتارى مەن كوممۋنالدىق  قىزمەت كورسەتۋ مەكەمە-ۇيىمدارى، اتاپ ايتقاندا اۋداندىق سوت، پروكۋراتۋرا، ىشكى ىستەر جانە مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل باسقارمالارىنىڭ،  سوت ورىنداۋشىلار جانە تۇرعىن ءۇي-كوممۋنالدىق شارۋاشىلىق بولىمدەرىنىڭ، «نۇر وتان» پارتياسى سايرام اۋداندىق فيليالى اقسۋكەنت اۋىلدىق باستاۋىش پارتيا ۇيىمىنىڭ توراعاسى، اۋداندىق ءماسليحاتتىڭ دەپۋتتارى-«نۇر وتان» پارتياسى فراكتسياسىنىڭ وكىلدەرى، جۇمىسپەن قامتۋ جانە الەۋمەتتىك باعدارلامالار جانە جەر كاداستر بولىمدەرىنىڭ باسشىسى مەن جاۋاپتى تۇلعالارى، سونداي-اق اۋىلدىق وكرۋگتەرى اكىمدەرىنىڭ ورىنباسارلارى جانە باق وكىلدەرى قاتىستى.قوعامدىق قابىلداۋعا 18 ادام جازىلسا، ولاردىڭ باسىم كوپشىلىگى تۇرعىن ءۇي سالۋ ءۇشىن جەر تەلىمىن بەرۋ، جۇمىسقا ورنالاستىرۋ، اليمەنت ءوندىرۋ جانە الەۋمەتتىك ماسەلەلەر بويىنشا تالاپ-تىلەكتەر مەن وتىنىشتەر ءبىلدىردى. قويىلعان ساۋالدار مەن تىلەكتەرگە مەملەكەتتىك ورگاندار باسشىلارىمەن جاۋاپتار مەن تۇسىندىرمەلەر بەرىلدى.قوعامدىق قابىلداۋدىڭ  ماقساتى – تۇرعىندارعا قۇقىقتىق كومەك كورسەتۋ، مەملەكەتتىك ورگاندار مەن تۇرعىندار اراسىنداعى بايلانىستى نىعايتۋ جانە سەنىمدىلىكتى قالىپتاستىرۋ، قوعام مەن بيلىك اراسىنداعى بايلانىس الاڭىن كەڭەيتۋ، مەملەكەتتىك قۇرىلىمداردىڭ جۇمىسىنا قوعامدىق باقىلاۋدى ارتتىرۋ.

ەستەرىڭىزدە بولسا، وسىعان دەيىن «نۇر وتان» پارتياسىنىڭ «كەدەرگىسىز كەلەشەك» جوباسى اياسىندا وڭتۇستىك قازاقستان وبلىسىندا پارتيا مۇشەلەرى مۇمكىندىگى شەكتەۋلى ازاماتتاردىڭ مۇقتاجدىقتارىن شەشۋگە اتسالىسۋعا قاتىستى شارالار ۇيىمداستىرىلعان بولاتىن.

سايرام اۋدانىنىڭ اكىمدىگىنىڭ رەسمي سايتى