بۇگىن، قىرعىز رەسپۋبليكاسىنىڭ پرەزيدەنتى المازبەك اتامباەۆقا 5 ەلدىڭ ديپلوماتتارى سەنىم گراموتاسىن تابىستادى.

Zakon.kz سايتىنىڭ جازۋىنشا، قىرعىز باسشىسىنا گرامتوتا تابىستاعان ديپلوماتتار: قىرعىزستانداعى انگليا ەلشىسى روبين ورد-سميت، قازاقستان ەلشىسى بوزجىگىتوۆ ايىمدوس، كورەيا ەلشىسى دجون بەنگ حۋ، مالاي ەلشىسى نورايني بينتي ابدۋل حاميد جانە ۆەتنام ەلشىسى فام ۆان فاو.

ديپلوماتتاردان سەنىم گراموتاسىن العان اتامباەۆ ءاربىر ەلشىگە جەكە-جەكە توقتالىپ العىسىن بىلدىرگەن. ول قازاقستان ەلشىسىنە:

«باۋىرلاس قازاقستانمەن ستراتەگيالىق ارىپتەستىگىمىز جاڭا دەڭگەيگە كوتەرىلدى. قىرعىز رەسپۋبليكاسىنىڭ ەاەو-عا قوسىلىپ جاتقانى بۇنىڭ دالەلى. وسى رەتتە بىزگە ەرەكشە قولداۋ كورسەتكەنى ءۇشىن مەن، قازاقستان پرەزيدەنتى نۇرسۇلتان ءابىشۇلىنا ايرىقشا العىس بىلدىرگىم كەلەدى. ءبىز قۇرمەتتى اقساقالدان ىلعي دا كومەك الىپ كەلەمىز. كەيبىرەۋلەرگە ۇنامايتىن بولسا دا قايتالاپ ايتقىم كەلەدى، نازارباەۆ قازاقستاننىڭ عانا كوشباسشىسى ەمەس، ول وسى عالامشاردا بەيبىتشىلىك ورناتۋدا قايراتكەرلىك كورسەتىپ كەلە جاتقان الەمدىك كوشباسشى.»، - دەگەن.

اباي-اقپارات