جاڭاوزەننىڭ ەكس-اكىمى وراق ساربوپەەۆ ون بەس كۇننەن كەيىن اقتوبە اباقتىسىنان شىعادى، دەپ حابارلايدى Nur.kz سايتى ءوز دەرەككوزىنە سىلتەپ.

2015 جىلدىڭ قاڭتارىندا جاڭا قىلمىستىق كودەكس كۇشىنە ەندى. وراق ساربوپەەۆ ءوز ءىسىن قايتا قاراۋ وتىنىشىمەن سوتقا جۇگىنگەن. 2015 جىلدىڭ ناۋرىزىندا ونىڭ مەرزىمىن سەگىز جىلعا دەيىن تومەندەتتى.  ال مەرزىمىنىڭ جارتىسىن عانا وتەگەن سوڭ ەكس-اكىم بوستاندىققا شىعادى. بىراق ول ءۇشىن وعان 600 مىڭ تەڭگە كولەمىندە ايىپپۇل تولەۋگە تۋرا كەلەدى.

ەسكە سالا كەتەيىك، 2012 جىلدىڭ 25 قىركۇيەگىندە لاۋازىمدىق وكىلەتىن اسىرا پايدالانعانى، مەملەكەتتىك قاراجاتتى جۇمساعانى جانە جىمقىرعانى ءۇشىن ايىپتالعان جاڭاوزەننىڭ ەكس-اكىمى وراق ساربوپەەۆ 10 جىلعا باس بوستاندىعىنان ايرىلعان بولاتىن. وتىڭ سوتتى بولۋىنا تاعىلعان نەگىزگى ايىپ، وراق ساربوپەەۆكە 109 ملن تەڭگەنى جۇمسادى جانە لاۋازىمدىق وكىلەتىن اسىرا پايدالاندى دەگەن كىناسى ەدى.

شىندىعىندا، 2011 جىلى 16-17 جەلتوقساندا جاڭاوزەن مەن شەتپەدەگى 17 ادام كوز جۇمىپ، 100-دەن اسا ادام جارالانعان (رەسمي ەسەپ بويىنشا) وقيعاعا بايلانىستى ساربوپەۆتىڭ باسى بالەگە ىلىككەن بولاتىن. ول وسى وقيعادان كەيىن، اقپاننىڭ 8-ءى كۇنى قىزمەتىنەن بوساتىلدى. 2012 جىلى اقپاننىڭ توعىزىندا تۇتقىندالدى.

اباي-اقپارات