اعىمداعى جىلى 322 مىڭ جاڭا جۇمىس ورنى اشىلادى. بۇل تۋرالى بۇگىن قر پرەزيدەنتى جانىنداعى ورتالىق كوممۋنيكاتسيالار قىزمەتىندەگى بريفينگتە قر پرەمەر-ءمينيسترىنىڭ ورىنباسارى بەردىبەك  ساپارباەۆ ءمالىم ەتكەن. قازاقپاراتتىڭ جازۋىنشا،

«مەملەكەت باسشىسىنىڭ ۇكىمەتتىڭ الدىنا قويعان ەڭ باستى مىندەتتەرىنىڭ ءبىرى - ول ەكونوميكانىڭ ءوسۋ قارقىنىن تومەندەتپەۋ، ازاماتتاردىڭ ءال-اۋقاتىن جاقسارتۋ، جاڭا جۇمىس ورىندارىن اشۋ ارقىلى جۇمىسسىزدىققا جول بەرمەۋ. الەمدىك ەكونوميكالىق داعدارىسقا قاراماستان قابىلدانعان مەملەكەتتىك باعدارلامالاردى يگەرۋدىڭ ارقاسىندا مەملەكەت ءوز حالقىنىڭ الدىنداعى الەۋمەتتىك مىندەتتەمەلەرىن قازىرگى تاڭدا تولىعىمەن ورىنداپ وتىر»، - دەگەن ءوز سوزىندە ب.ساپارباەۆ.

ونىڭ اتاپ وتۋىنشە، جۇمىسپەن قامتۋ، جۇمسسىزدىققا جول بەرمەۋ جونىندەگى ۇكىمەتتىڭ اتقارعان جۇمىستارىنىڭ نەگىزىندە  بارلىق وڭىرلەردە  حالىقتى جۇمىسپەن قولداۋ جونىندەگى كەشەندى جوسپارلار بەكىتىلگەن. ۇكىمەت باسشىسىنىڭ ورىنباسارى ءوز سوزىندە جۇمىس ورىندارىن قامتاماسىز ەتۋ ءۇشىن كاسىپورىندارمەن ارنايى مەموراندۋمدار جاسالعانىن اتاپ ءوتتى. «قازىرگى ۋاقىتتا 66 مىڭ مەموراندۋمعا قول قويىلىپ،  2 ملن. 200 مىڭ ادام جۇمىسپەن قامتىلدى. تەك قانا بيىلعى جىلدىڭ وزىندە 322  مىڭ جۇمىس ورنى اشىلۋى كەرەك. قازىرگى تاڭدا 191 مىڭ ادام جۇمىسپەن قامتىلدى. ول بەرىلگەن تاپسىرمانىڭ 67 پايىزى»، - دەدى مينيستر.

اباي-اقپارات