"قازاتومونەركاسىپ" اق ديرەكتورلار كەڭەسىنىڭ باسشىسى اۋىستى، - دەپ حابارلايدى Tengrinews.kz.

 "سامۇرىق-قازىنا" ۇاق" اق باسقارماسىنىڭ سىرتتاي وتىرىسىنىڭ قورىتىندىسى بويىنشا "قازاتومونەركاسىپ" ۇاك" اق ديرەكتورلار كەڭەسىنىڭ قۇرامى مەن وكىلەتتىلىك مەرزىمى انىقتالىپ، كەڭەس مۇشەلەرى جانە توراعاسى سايلانعان. وعان ساي، "قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ءابدىرۇلى ساعىنتاەۆ "سامۇرىق-قازىنا" اق باسقارماسىنىڭ شەشىمىمەن جالعىز اكتسيونەردىڭ وكىلى رەتىندە "قازاتومونەركاسىپ" ۇاك" اق ديرەكتورلار كەڭەسىنىڭ توراعاسى بولىپ سايلاندى", - دەلىنگەن  ۇلتتىق كولمپانيانىڭ حابارلاماسىندا.

سونىمەن قاتار، "قازاتومونەركاسىپ" ۇاك" اق ديرەكتورلار كەڭەسىنىڭ جاڭا قۇرامى بەلگىلى بولدى. ولار بەكتەمىروۆ قۋانىش ابدىعاليۇلى - جالعىز اكتسيونەردىڭ وكىلى، "سامۇرىق-قازىنا" اق اكتيۆتەرىن باسقارۋ جونىندەگى باس ديرەكتور; تۇرماعامبەتوۆ ءماجيت ابدىقالىقۇلى - جالعىز اكتسيونەردىڭ وكىلى، "تاۋ-كەن سامۇرىق" اق باسقارما توراعاسى; ارسلانوۆا زارينا فۋاتوۆنا – تاۋەلسىز ديرەكتور; جۇماعاليەۆ اسقار قۋانىشۇلى – "قازاتومونەركاسىپ" ۇاك" اق باسقارما توراعاسى. ايتا كەتەيىك، "قازاتومونەركاسىپ" ۇاك" اق ديرەكتورلار كەڭەسىنىڭ وكىلەتتى مەرزىمى - ءبىر جىل.

ەسكە سالساق، «قازاتومونەركاسىپ» كومپانياسىن جاكىشەۆتەن كەيىن 2014 جىلى مينيستر بولىپ كەتكەنىنشە شكولنيك باسقاردى. ودان كەيىن باسقارعان قاپپاروۆ بيىل، 26 ناۋرىزدا جۇمباق جاعدايدا بەيجىڭدە قايتىس بولدى.  31 ناۋرىزدا "قازاتومونەركاسىپ" ۇاك" اق باسقارما توراعاسى كومپانياسىنىڭ ۋاقىتشا مىندەتىن اتقارۋشى بولىپ وسىعان دەيىن باسقارما توراعاسىنىڭ ەكونوميكا جانە قارجى جونىندەگى ورىنباسارى بولىپ كەلگەن ايدار ارىپحانوۆ تاعايىندالعان بولاتىن. ودان سوڭ مامىر ايىندا "قازاتومونەركاسىپ" ۇاك" اق باسشىسى بولىپ بۇعان دەيىن قر ينۆەستيتسيالار جانە دامۋ ۆيتسە-ءمينيسترى قىزمەتىن اتقارعان اسقار جۇماعاليەۆ تاعايىندالعان ەدى. ونىڭ كانديداتۋراسى ديرەكتورلار كەڭەسىنىڭ كەزەكتەن تىس وتىرىسىندا ماقۇلدانىپ، قازاقستان رەسپۋبليكاسىنىڭ ۇكىمەتىمەن كەلىسىلگەن.

اباي-اقپارات