پاۆلودار وبلىستىق ءبىلىم بەرۋ باسقارماسىنىڭ باسشىسى باقىت بەكسەيىتوۆانىڭ مالىمدەۋىنشە، بيىلعى جاڭا وقۋ جىلىندا پاۆلودار وبلىسىنداعى ورتا ءبىلىم بەرۋ مەكەمەلەرىنىڭ قاتارى تاعى ءتورت مەكتەپپەن تولىعا تۇسپەك. ولاردىڭ قاتارىندا قۇرىلىسى شۋ تۋدىرعان 1200 ورىندىق نىسان بار، دەپ حابارلايدى pavlodarnews.kz. جاڭا وقۋ جىلىنىڭ باسىندا رەسپۋبليكالىق بيۋدجەتتىڭ ەسەبىنەن پاۆلودار قالاسىنا قاراستى كەنجەكول اۋىلىندا 600 ورىندىق جانە اقسۋ اۋىلدىق ايماعىنا قاراستى قالقامان اۋىلىندا 1200 ورىندىق مەكتەپ بوي كوتەرەدى.

«جىل سوڭىنا دەيىن وبلىس ورتالىعىندا 1200 ورىنعا شاقتالعان مەكتەپ پايدالانۋعى بەرىلەدى. سونىمەن قاتار، ەرتىس اۋدانىنىڭ قىزىلاعاش اۋىلىندا ورنالاسقان اپاتتى مەكتەپ عيماراتىن باسقا جەرگە كشۋ ماقساتىندا 100 ورىندىق الەۋمەتتىك نىسان سالىنۋدا»، - دەيدى ب. بەكسەيىتوۆا. جالپى، جاڭا وقۋ جىلىنا وڭىردەگى 405 مەكتەپتىڭ 367-ءسى ساقاداي ساي. بيىلعى جازدا 56 مەكتەپتە كۇردەلى جوندەۋ جاساۋ جوسپارلانعان. قازىرگى تاڭدا ولاردىڭ 18-دە جۇمىستار اياقتالىپتى.

اباي-اقپارات