رەسەي پرەزيدەنتى ۆلاديمير پۋتين قىتاي توراعاسى سي ءتسزينپيندى بەيجىڭنىڭ 2022 جىلعى قىسقى وليمپيالىق ويىنداردىڭ استاناسى بولىپ سايلانۋىمەن قۇتتىقتاپ، «قىتايعا الداعى وليمپيادانى دايىنداۋعا جان-جاقتى كومەك كورسەتۋگە ءازىر تۇرعاندارىن» اتاپ ءوتتى. بۇل تۋرالى ريا «نوۆوستي» حابارلادى.

 «رەسەي مەملەكەتىنىڭ باسشىسى قۇتتىقتاۋ جەدەلحاتىندا 2008 جىلعى جازعى وليمپيادانىڭ وتە جوعارى دەڭگەيىن اتاپ وتە كەلىپ، 2022 جىلعى قىسقى ويىنداردىڭ ودان تومەن تابىسپەن وتپەيتىنىنە، ونىڭ كۇللى الەمدەگى سپورتشىلار مەن سپورت اۋەسقويلارى ءۇشىن ۇمىتىلماس مەرەكەگە اينالاتىنىنا، سونداي-اق قحر-دىڭ بۇدان ءارى دامۋىنا ىقپال ەتەتىنىنە سەنىم ءبىلدىردى»، – دەلىنگەن كرەمل ءباسپاسوز قىزمەتىنىڭ حابارلاماسىندا.

ەستەرىڭىزگە سالساق، بەيجىڭمەن قاتار اق وليمپيادانى وتكىزۋگە الماتى دا باق تالاسقان ەدى. 31 شىلدەدە الماتىنى وليمپيادا كوميتەتىنە تانىستىرۋعا پرەمەر كارىم ءماسىموۆ، مادەنيەت جانە سپورت ءمينيسترى مۇحاممەديۇلى، الماتى اكىمى ەسىموۆ، سىرتقى ىستەر ءمينيسترى ىدىرىسوۆ باستاعان دەلەگاتسيا كۋالا لامپۋرعا بارىپ ولجاسىز ورالدى.

اباي-اقپارات