تاياۋ كۇندەرى وڭتۇستىك قازاقستان وبلىسى اكiمدiگiنiڭ ۇيىمداستىرۋىمەن شاردارادا بالىق شارۋاشىلىعىن دامىتۋعا ارنالعان سەمينار-كەڭەس بولىپ ءوتتi دەيدى وقو اكiمiنiڭ ءباسپاسوز قىزمەتi.

جيىنعا وقو اكiمiنiڭ ورىنباسارى س.تۇياقباەۆ، اۋدان، قالا اكiمدەرi مەن ايماقتاعى كاسiپكەرلەر جانە قارجى ۇيىمدارىنىڭ وكiلدەرi قاتىسىپ، وڭiرلiك بالىق شارۋاشىلىعىن 2015–2017 جىلدارى دامىتۋعا باعىتتالعان iس-شارا جوسپارى تالقىلاندى. اتالعان جوسپار اياسىندا وڭiردە 27 تاۋارلى بالىق شارۋاشىلىعىن اشۋ جوسپارلانۋدا. اتقارىلعان جۇمىستىڭ ناتيجەسiندە بالىق ءوندiرۋ كولەمi ءۇش جىلدا ەكi ەسەگە ۇلعايىپ، 3800 توننادان 8 مىڭ تونناعا جەتiپ، وندiرiلگەن ءونiم ەۋروپا ەلدەرiنە ەكسپورتتالماق. بيىل كوزدەگەن ماقساتتى جۇزەگە اسىرۋ ءۇشiن «ماكسيمۋم» ايماقتىق ينۆەستيتسيالىق ورتالىعى» 400 ملن. تەڭگە قاراستىرعان. 2016–2017 جىلدارى قوسىمشا 1 ملرد. تەڭگە بولiنبەك.

– بالىق وسiرەمiن دەپ نيەت بiلدiرگەن ءاربiر كاسiپكەرگە بەس جىل مەرزiمگە جەڭiلدەتiلگەن پايىزبەن نەسيەلەر بەرiلسە، كەلەر جىلدان باستاپ وبلىستىق بيۋدجەتتەن بالىق ازىعىنىڭ قۇنىن ارزانداتۋعا 300 ملن. تەڭگە سۋبسيديا بولiنەدi. وسىلايشا وبلىستا بالىق شارۋاشىلىعى جاندانباق، – دەدi س.تۇياقباەۆ.

سەمينارعا قاتىسۋشىلار شاردارا قالاسىندا ورنالاسقان «حاميت» ستك بالىق وڭدەۋ زاۋىتى مەن 387 گەكتار اۋماقتى الىپ جاتقان بالىق تالiمباعىندا بولىپ، ونداعى جۇمىس بارىسىن كوردi. زاۋىت باسشىسى سەمينارعا قاتىسۋشىلارعا بالىقتى قابىلداپ الۋ، تازالاۋ، بالىق فيلەسiن مۇزداتىپ، دايىن ءونiمدi قوراپتارعا سالۋ سىندى پروتسەستەردi تانىستىردى.

شارداراداعى «حاميت» ستك جانە «شاردارا–1» بالىق وڭدەۋ زاۋىتتارى وتكەن جىلى 3600 توننانىڭ ءونiمiن وندiرگەن. بۇدان بولەك ءۇيدب اياسىندا 2 شاعىن بالىق زاۋىتى مەن بiر بالىق وڭدەۋ تسەحىنىڭ قۇرىلىسى جۇرگiزiلۋدە. بۇل نىساندار iسكە قوسىلعان جاعدايدا جىلىنا قوسىمشا 700 توننا بالىق ءوندiرiلiپ، 85 جاڭا جۇمىس ورنى اشىلماق. بۇگiندە وسى سالادا ەڭبەك ەتەتiن كاسiپكەرلەر پيلوتتىق جوبا رەتiندە شاردارا سۋ قويماسىندا بالىقتى تورلى شارباقتا ءوسiرۋ ءادiسiن قولعا الۋدا.