شىمكەنتتە بوس ورىندار جارمەڭكەسى ءوتتى. جۇمىس ىزدەگەن وڭتۇستىكقازاقستاندىقتار ءوز تاڭداۋلارىن جاسادى. ولار ءۇشىن 216 كاسىپورىن وكىلدەرى 2 مىڭنان استام جۇمىس ورىندارىن ۇسىندى.

جالپى، جىل باسىنان بەرى 400 ادام الەۋمەتتىك جۇمىس ورنىنا تۇرسا، تاعى 4000 ازامات تۇراقتى جۇمىسپەن قامتىلعان. سالا ماماندارىنىڭ ايتۋىنشا، بوس جۇمىس ورىن جارمەڭكەسى جۇمىسسىزدىقتى ازايتۋعا ەداۋىر اسەر ەتەتىن كورىنەدى.

ءبىر قىزىعى، وسى جولعى جارمەڭكەدە مۇعالىمدەرگە سۇرانىس باسىم بولدى. قالاداعى الدىڭعى قاتارلى №8 دارىندى بالالار مەكتەپ-گيمنازياسىنىڭ ءوزى باستاۋىش سىنىپ مۇعالىمدەرىن ىزدەپ كەپتى. مۇنداي جاعداي №45 مەكتەپتە دە كەزدەستى.

بوس جۇمىس ورىندارىنىڭ جارمەڭكەسىن وتكىزۋ — قالاداعى جۇمىسسىزدىقتى جويۋدىڭ بىردەن-ءبىر جولى. سوندىقتان بولار، تۇراقتى جۇمىسپەن قامتىلعانداردىڭ سانى ارتقان. سالا ماماندارى جىل باسىنان بەرى 8 مىڭعا جۋىق ازامات جۇمىسپەن قامتىلعانىن ايتادى. 148 ازامات قايتا دايارلاۋ كۋرىسىنان ءوتىپتى.

ال بۇل جولعى جارمەنكەنىڭ اياسىندا تاعى دا 500 ازامات تۇراقتى جۇمىس تابادى دەپ بولجانىپ وتىر.

ەستەرىڭىزگە سالا كەتەيىك، وسىدان ءۇش جىل بۇرىن شىمكەنتتەگى قورعاسىن زاۋىتىندا بوس جۇمىس ورىندارىنىڭ جارمەڭكەسى وتكەن بولاتىن. مۇنداعى ماقسات — زاۋىت ەڭبەككەرلەرىنە جۇمىس تاۋىپ بەرۋ.

جارمەڭكەدە وزدەرىنە لايىقتى جۇمىس تاپپاعان قورعاسىن زاۋىتىنىڭ جۇمىسشىلارىن الەۋمەتتىك قىزمەتكەرلەر تولەبي كوشەسىندە ورنالاسقان جۇمىسپەن قامتۋ ورتالىعىنا شاقىرلعان بولاتىن. 

قىسقاسى، وڭتۇستىك قازاقستان وبلىسىندا جارمەڭكەنىڭ وسىنداي ءتۇرى ءوتىپ جاتىر. "قىزمەت كەرەك پە؟ جارمەڭكەگە كەل" دەيدى وڭتۇستىك جۇرتى.

اباي-اقپارات