اق "استانا ەكسپو-2017" ۇك" ەندىگى باسقارۋشى توپ-مەنەدجەمەنتىنىڭ ەسىمدەرى جاريالاندى، دەپ حابارلايدى Today.kz اق رەسمي سايتىنا سىلتەمە جاساي وتىرىپ.
ايتا كەتەر بولساق، 19 تامىزدا  «استانا ەكسپو-2017» ۇك توپ-مەنەدجمەنتى ەكى ەسە قىسقاردى: باسقارما توراعاسىنىڭ ورىنباسارلارى بەسەۋدەن ۇشكە، ال باسقارۋشى ديرەكتورلار – توعىزدان تورتەۋگە دەيىن قىسقارعان بولاتىن.

ەندىگى كەزەكتە، باسقارۋشىلار توبى تومەندەگىدەي ءتىزىم بويىنشا جۇمىس جاسايتىن بولادى:

ەسىموۆ احمەتجان سماعۇلۇلى – اق باسقارما توراعاسى
پىرمەتوۆ الىشەر حابيبوللاۇلى – اق باسقارما توراعاسىنىڭ ءبىرىنشى ورىنباسارى
شورمانوۆ ەربول الىمقۇلۇلى - اق باسقارما توراعاسىنىڭ ورىنباسارى
ليۋتوۆ ۆلاديمير ۆيكتوروۆيچ - اق باسقارما توراعاسىنىڭ ورىنباسارى
قارىمساقوۆ بەيبىت ەركينبايۇلى – اق باسقارۋشى ديرەكتور
ەگىمباەۆا مايا ەربۋلاتقىزى - باسقارۋشى ديرەكتور – اق زاڭگەرلىك دەپارتامەنتىنىڭ ديرەكتورى
مۋسين انۋاربەك نۋربەكۇلى – اق باسقارۋشى ديرەكتور 
سوبولەۆ ۆلاديمير ۆلاديميروۆيچ – باسقارۋشى ديرەكتور – جاڭا تەحنولوگيالار جانە IT دەپارتامەنتىنىڭ ديرەكتورى
سونىمەن قاتار ەرتەرەكتە ايتىلعان، الماتى قالاسى اكىمىنىڭ كەڭەسشىسى سەرگەي كۋيانوۆ اق "استانا ەكسپو-2017" ۇك" قوعاممەن بايلانىس دەپارتامەنتىنىڭ باسشىسى بولىپ تاعايىندالعان بولاتىن.

ەسىموۆتىڭ الدىندا ۇك توراعاسى بولىپ استانا قالاسىنىڭ اكىمى ادىلبەك جاقسىبەكوۆ بولاتىن. ول ەكى جۇمىستى تالعات ەرمەگياەۆتىڭ كوررۋپتسياعا كۇدىكتى رەتىندە ۇيقاماققا الىنعاننان كەيىن اتقارا باستاعان.

ەسكە سالساق، ەرمەگياەۆ تۇتقىندالعاننان كەيىن اق باسقارما توراعاسىنىڭ ورىنباسارى ۆەرا كوباليا، ۇلتتىق كومپانيا باسقارما توراعاسىنىڭ ديرەكتورى بولىپ قىزمەت ەتكەن سالتانات راحيمبەكوۆا دا ءوز ورنىن بوساتقان ەدى.

اباي-اقپارات