ءبىلىم ءمينيسترى «ەكىلىك» السا ءبىز قالاي ءبىلىمدى بولامىز؟!
«قازاق ءۇنى» گازەتىندە ء بىلىم سالاسى و باستان تۇراقتى تۇردە ءجيى كوتەرىلىپ كەلەدى. ال بۇگىنگى ءبىلىم ءمينيسترىنىڭ ءجيى سىنعا الىنۋىنا بايلانىستى كەيبىر تۇسىنبەۋشىلىكتەردى تۇسىنە وتىرىپ، تۇسىنىكتەمە بەرە كەتۋدى ءجون كوردىك.
بىرىنىشىدەن، شىندىعىن ايتار بولساق، وسى سايتتان نەمەسە گازەتتەن قاراساڭىزدار، ءماجىلىس دەپۋتاتى ازات پەرۋاشەۆ پەن ء بىلىم ءمينيسترى اسلان ءسارىنجىپوۆتىڭ اراسىنداعى داۋدان بۇرىن دا بىزدە ءبىلىم ماسەلەسى جۇيەلى تۇردە كوتەرىلىپ، سىني ماقالالار ءجيى شىعىپ كەلە جاتقانىنا كۋا بولاسىزدار. قايتا، اتالمىش داۋ تۋعان سوڭ، ەل تەرىس ويلاپ قالادى دەپ سىنىمىزدى ازايتتىق.
ەكىنشىدەن, «قازاق ءۇنى» گازەتى مەن Qazaquni.kz ۇلتتىق پورتالىنىڭ ۇلتتىق مۇددە مەن ءتىل ماسەلەسىندەگى بەرىك ۇستانىمىن ەل جاقسى بىلەدى. بۇل جەردە باسقا مينيسترلىك ەمەس، ءبىلىم ءمينيسترى ءبىرىنشى سىنىپقا ارنالعان قازاق ءتىلى «ديكتانتىنان» «ەكىلىك» الىپ وتىرسا، وعان نەگە كوز جۇمىپ قاراۋىمىز كەرەك؟!. ( «مەملەكەتتىك تىلدە 8 سوزدەن 3 قاتە جىبەرەتىن مينيستر باسقا ەلدە بار ما؟!.» ) http://www.qazaquni.kz/?p=39600 وقۋشىلاردىڭ تەستى سۇراعىنا جاۋاپ بەرە الماعانىن ايتپاي-اق قويعاندا… ء («بىلىم ءمينيسترى تەست ساۋالىنا جاۋاپ بەرە العان جوق!..») http://www.qazaquni.kz/?p=24981 وندا ءبىزدىڭ بولاشاعىمىز – بالالارىمىز قالاي ءبىلىمدى بولادى؟ الەۋمەتتىك جەلىدە «مينيستر-دۆوەچنيك» اتانعان، «ديكتانتتان» ەكىلىك العىش ءبىلىم ءمينيسترى شىنىندا دا تەك قازاقستاندا عانا بولاتىنى انىق… مۇنداي مينيسترگە وقۋشىلار مەن ستۋدەنتتەردى ايتپاعاندا، وقىتۋشىلار، مينيسترلىكتىڭ نەگىزىن قۇرايتىن ۇستازدار قاۋىمى قالاي قارايدى؟
ءبىلىم ءمينيسترىنىڭ تەك قازاقشا ساۋاتى عانا ەمەس، مينيسترلىكتىڭ ءتۇرلى كەلەڭسىزدىك پەن بەرەكەسىزدىكتىڭ شىرماۋىنان شىعا الماي، ەتەگىنە ءسۇرىنىپ، ەڭسەسىن تۇزەي الماي، قايتا-قايتا سۇرىنە بەرۋىنە قاراپ، بولاشاق ءبىلىم ءمينيسترى كەزىندە مەكتەپ وقۋلىعىنان تالاي كورگەن بەلگىلى سۋرەتشى ف.رەشەتنيكوۆتىڭ «وپيات دۆويكا» دەگەن ايگىلى قارتيناسى ەسكە تۇسەدى ەكەن… استانالىق 2-ءشى سىنىپ وقۋشىسى ءامينا جارىلقاسىننىڭ ء «وزىن-ءوزى تانۋ» وقۋلىعىنداعى ء بىر ءماتىن ەكى جەردە ەكى اۆتوردىڭ اتىندا جاريالانىپ كەلگەن ماسقارا قاتەلىكتى كورىپ، «قازاق ءۇنى» گازەتىندە ءبىلىم مينيسترىنە جازعان حاتىنا 9 ايدان بەرى جاۋاپ جوق… 2010 جىلدان بەرى مينيسترلىكتەگى وقۋلىققا جاۋاپتى قىزمەتكەرلەر مەن سان مىڭداعان مەكتەپ مۇعالىمدەرى، وقۋلىقتىڭ عىلىمي اتاقتارى بار باقانداي 5 اۆتورى 5 جىل بويى 2 سىنىپ وقۋشىسى بىردەن كورگەن بۇل قاتەنى قالاي بايقاماي كەلە جاتقانىنا تاڭىمىز بار؟!. («وقۋلىقتاعى ەكى اقىننىڭ قايسىسى “ۇرى”، مينيستر مىرزا؟») http://www.qazaquni.kz/?p=31887 وقۋشىنى ايتاسىز، ۇستازداردىڭ، جالپى سانى 176 زيالىنىڭ مينيستر ا.سارىنجىپوۆكە جازعان حاتىنا دا 6 ايدان بەرى ءالى جاۋاپ جوق. ء(«ۇنسىز مينيستر 176 زيالىنىڭ حاتىنا جاۋاپ بەرەتىن شىعار…») http://www.qazaquni.kz/?p=39431
ال كەشە عانا جىل سايىن جىرى بىتپەيتىن ۇبت قورىتىندىسىندا ەڭ جوعارى 125 بالل جيناعان 432 ۇزدىك ۇمىتكەردىڭ دالادا قالعانى، اقىرى قول استىندا نە بولىپ جاتقانىن بىلمەيتىن ءبىلىم ءمينيسترى جىلداعىداي رەكتورلارعا جالىنىپ ءجۇرىپ، ولاردى وزدەرى قالاعان، جۇلدە العان ماماندىقتارىنا ەمەس، باسقا ماماندىقتارعا اۋپىرىمدەپ ء ىلىندىرىپ جاتقانى باسپاسوزدە كۇندە جازىلۋدا. شىنىندا دا، «125 بالل جيناعان 432 ۇزدىك تالاپكەر، “التىن بەلگى” يەگەرلەرى جانە حالىقارالىق وليمپيادا مەن ءتۇرلى شىعارماشىلىق بايقاۋلاردىڭ جەڭىمپازدارى گرانتقا ىلىگە الماۋىنا مينيستر ءسارىنجىپوۆ نە دەپ جاۋاپ بەرەدى؟ مينيسترلىگىندەگى “بارداكقا” باس شۇلعۋمەن باسى سالبىراپ وتىرا بەرە مە؟» ء(«بىلىم مينيسترلىگىندەگى جۇگەنسىزدىك») http://www.qazaquni.kz/?p=3951
بۇل جەردە ءبىلىم سالاسىنداعى شەنەۋنىكتەردىڭ مەملەكەتتىك تىلدەگى ساۋاتى تۋرالى ءسوز قوزعاپ وتىرعانىمىز جوق. ونى مينيسترىنە قاراپ-اق شامالاپ تا وتىرمىز، كورىپ-ءبىلىپ تە ءجۇرمىز. ال ءتىل ماسەلەسى – قايتالاپ ايتۋ عانا از، ول كۇن سايىن، ساعات سايىن ايتىلۋى ءتيىس. قاشان ءتىل ماسەلەسى شەشىلگەنشە… شەشىلمەگەن ماسەلە قالاي ، كۇن تارتىبىنەن تۇسەدى؟ وسى جەردە ء«تىل ماسەلەسى جاۋىر بولىپ كەتتى» دەيتىن ساياساتكەرلەرىمىز بەن كەيبىر زيالىلارىمىزدىڭ سوزدەرى، مۇمكىن، جاناشىرلىقپەن ايتىلسا دا، كەدەرگى كەلتىرەتىن كەسىرلى ءسوز ەكەنىن ويلاۋىمىز كەرەك. ولار سولاي ايتىپ وتىرسا، تىلگە قارسىلاردىڭ قۋانىپ كەتەتىنى بەلگىلى.
قىسقاسى، «قازاق ءۇنى» گازەتىنىڭ ءبىلىم سالاسىنداعى بىلىقتارعا بايلانىستى ءبىلىم مينيسترلىگىن سىناۋىنىڭ اتالمىش دەپۋتات پەن ءمينيستردىڭ داۋىنا ەشقانداي قاتىسى جوق. «دەپۋتات سىناعان ماسەلەنى گازەت جازباۋ كەرەك» دەگەن «زاڭدى» وسى ۋاقىتقا دەيىن ەش جەردەن كورگەن جوقپىز. «قازاق ءۇنى» گازەتى ۇلتتىق تاۋەلسىز گازەت، ەشقانداي پارتيانىڭ دا، ەشكىمنىڭ دە باسىبايلى باسىلىمى ەمەس ەكەنىن ەستەرىڭىزگە سالامىز. «قازاق ءۇنى» گازەتىنىڭ تەك قالىڭ قازاقتىڭ ءۇنى رەتىندە عانا ءوز ۇستانىمى بار. كەمشىلىگى بار قاي سالا بولسا دا، گازەتىمىزدە بۇرىن دا سىنالىپ كەلگەن، بۇدان كەيىن دە سى-نا-لا بەرەدى!..
ۇشىنشىدەن،ء بىز ءتىل ماسەلەسىنە – ۇلتتىق مۇددەگە كەلگەندە قارانى دا، حاندى دا الالاماي، ەشكىمنىڭ كوڭىلىنە قاراپ جاتقان جوقپىز. بارلىعى ءوز «سىباعالارىن» الۋدا… پەيىل-نيەتتەرى تىلگە، ۇلتقا بۇرىلماسا، سىنىمىز دا كوبەيە بەرمەك. ويتكەنى، سىن تۇزەلمەي – ءمىن تۇزەلمەيتىنى انىق. مىسالى، ءبىزدىڭ سىرتقى ىستەر ءمينيسترى ەرلان ىدىرىسوۆپەن التى الاسى، بەس بەرەسىمىز جوق. بىراق ول كىسىنى 15 جىلدان بەرى، ء بىرىنشى رەت مينيستر بولعان كەزىنەن باستاپ، مەملەكەتتىك ءتىلدى بىلمەۋى بىلاي تۇرسىن، وعان كەلتىرگەن زياندارى ءۇشىن ءالى كۇنگە سىناپ كەلەمىز. مەملەكەتتىڭ ءمينيسترى بولىپ وتىرىپ مەملەكەتتىك ءتىلدى سەزبەيتىن ءمينيسترىمىز 2001 جىلى : «قازاق ءتىلىن ءبىلۋ ءۇشىن مەنىڭ ميىمدى اۋىستىرماسا، ۇيرەنە المايمىن» دەپ پارلامەنت الدىندا مالىمدەمە جاساعانى بۇكىل ەلگە ايگىلى. ءبىزدىڭ تاۋەلسىز قازاقستان تاريحىندا «قازاق تىلىنە ميىڭ جەتپەسە، قالاي قازاق ءمينيسترى بولىپ ءجۇرسىڭ؟!.»- دەپ، «پارلامەنتىمىز» ء“مينيستردى” قۋىپ شىقپاي، جايباراقات قاراعان سونداي دا ماسقارا «قارالى» وقيعا بولعان… پارلامەنتتى دە تۇسىنۋگە بولادى، ويتكەنى ولاردىڭ ىشىندە دە قازاق ءتىلىن قاقپايتىندار، كەيبىر مينيسترلەر مەن اكىمدەر سەكىلدى ءبىرىنشى سىنىپتىڭ ديكتانتىنان «ەكىلىك» الاتىندار جەتىپ ارتىلادى.
ەرەكەڭ دە «ەر» ەكەن، سول قازاقشا نان سۇراي المايتىن تىلىمەن ەلىمىزدىڭ سىرتقى تاعدىرىن شەشەتىن مينيسترلىكتىڭ تىزگىنىن ەكىنشى رەت ۇستاپ وتىر. سول ەكىنشى رەت مينيستر بولعاندا ءبىز «قايتا تاعايىنداۋعا بايلانىستى قايتا جاريالاۋ» دەپ، ەلگە بەلگىلى « مەملەكەتتىك تىلگە ميى جەتپەگەندەر قالاي مينيستر بولادى؟..» اتتى ماقالامىزدى ەكىنشى رەت جاريالادىق… وتكەندە ەرەكەڭنىڭ قاعازدان وقىسا دا، قازاقشا ايتىپ وتىرعانان كورىپ قالىپ… قۋانعاننان تالىپ قالا جازدادىق… ەگەر بەلگىلى ءتىل عالىمى-جازۋشىنىڭ بالاسى ەرلان ءابىلپايىزۇلى ىدىرىسوۆ ۇستازى قاسىم-جومارت كەمەلۇلى توقاەۆ سەكىلدى قازاقشا ۇيرەنىپ كەتسە، ەڭ الدىمەن «قازاق ءۇنى» گازەتىنىڭ ۇلەسى بار ەكەنىن ۇمىتىپ كەتپەڭىزدەر… الدىمەن ءسۇيىنشى سۇراعانداردى رازى قىلاتىنىمىزدى دا مالىمدەيمىز…
قورىتا ايتقاندا، ەل ماسەلەسى -ءتىل ماسەلەسى شەشىلمەي، كۇن تارتىبىنەن تۇسپەيدى!
P.S. ءسوزىمىز دالەلدى بولۋى ءۇشىن ، دەپۋتاتتىڭ ورىندى سىنىنا بايلانىستى ءبىلىم ءمينيسترىنىڭ ورىنسىز ايىپتاۋىنان تۋعان داۋدان بۇرىنعى «قازاق ءۇنى» گازەتىندەگى ماقالالاردىڭ ءبارىن بولماسا دا، ءبىرازىن كەلتىرە كەتەيىك :
1.جاڭا ءبىلىم ءمينيسترى ءسارىنجىپوۆ جوسپارىن ىسكە اسىرا الا ما؟!
2.ءبىلىم ءمينيسترى تەست ساۋالىنا جاۋاپ بەرە العان جوق!
3.ءبىلىم مينيسترلىگى عىلىمي اتاقتاردى ساۋدالاۋعا نەلىكتەن جول بەرەدى؟
4.جەمقورلىق جايلاسا، جوعارى ءبىلىم جوعالادى…
5.ء“بىلىم ءمينيسترى تىم جۇمىسباستى. قابىلداۋعا ۋاقىتى جوق”
6.ءبىلىم مينيسترلىگى قازاق ءتىلىن قىسقارتىپ، ال اعىلشىن ءتىلىن 1-ءشى سىنىپتان وقىتپاق
7.سىرتتاي ءبىلىم بەرۋدى وقۋ ورىندارى تابىس كوزىنە اينالدىرىپ وتىر
8.بىزدەگى ءبىلىم رەفورماسى كۇندە كويلەك اۋىستىراتىن سانقوي كەلىنشەك سەكىلدى
9.ءبىلىم بەرۋدەگى – بىلىكسىزدىك
10.وقۋلىقتاعى ەكى اقىننىڭ قايسىسى “ۇرى”، مينيستر مىرزا؟
12.ۇبت: قازاقتىلدى تالاپكەرلەردىڭ قۇقىعى قاشانعى تاپتالا بەرەدى؟
13.كەرەكسىز قاعازباستىلىق قازاقستاندىق وقىتۋشىلاردى شىرماۋىققا شىرماپ تاستاعان
14.ساپارباەۆ استانادان شىقپايتىن ءبىلىم ءمينيسترىن قاتال سىنعا الدى
قازىبەك يسا،
