«سامۇرىق-قازىنا» ۇلتتىق ءال اۋقات قورى» اكتسيونەرلىك قوعامىنىڭ باسقارما مۇشەلەرى اۋقىمدى كولەمدە قارجىلاي سىياقى الدى، - دەپ حابارلايدى nur.kz  باسىلىمى KASE-ءنىڭ سايتىنا سىلتەمە جاساپ.

قازاقستاننىڭ قارجى بيرجاسىنىڭ (KASە) رەسمي تىزىمىندەگى قۇندى قاعازداردى باقىلاپ وتىراتىن كASE ۇيىمى 2014 جىلى «Cامۇرىق-قازىنانىڭ» باسقارما مۇشەلەرى 345 468 مىڭ سىياقى العانىن جاريالاعان.

اتالعان سايتتىڭ مالىمەتتەرىنە سۇيەنسەك، «سامۇرىق-قازىنا» ۇلتتىق ءال اۋقات قورى» اكتسيونەرلىك قوعامى باسقارماسىنىڭ التى مۇشەسى بار. ولار: ومىرزاق شۇكەەۆ (باسقارما باسشىسى), ەلەنا باحمۋتوۆا (باسقارما باسشىسىنىڭ ورىنباسارى), داۋرەن ەردەباي (باسقارما باسشىسىنىڭ ورىنباسارى), نۇرلان راحمەتوۆ (قارجى ديرەكتورى، باسقارما مۇشەسى), تالعات سارسەنباەۆ (قۇقىقتىق سۇراقتار جونىندەگى باس ديرەكتور، باسقارما مۇشەسى) جانە بەرىك بەيسەنعاليەۆ (بيزنەستى دامىتۋ جونىندەگى باس ديرەكتور، باسقارما مۇشەسى).

ەگەر ورتاق سىياقى مولشەرىن 6 ادامعا بولەتىن بولساق، ءبىر ادام ورتاشا ەسەپپەن 57,5 ملن تەڭگەدەن نەمەسە 245 مىڭ دوللاردان الادى (قازىرگى KASE باعامىمەن دوللارىنا 234,94 تگ دەپ الساق).

ەسكە سالساق، ءبىر جىل بۇرىن “سامۇرىق قازىنانىڭ” قارجى ديرەكتورى نۇرلان راحمەتوۆ بونۋس رەتىندە 29,8 ملن تەڭگە العان بولاتىن. ول سول كەزدەرى قوردا جۇمىس اۋىر ەكەنىن جانە رەسەيلىك توپ مەنەدجەرلەر قازاقستاندىقتاردان الدەقايدا كوپ الاتىنىن العا تارتقان ەدى دەپ جازادى Nur.kz سايتى.

اباي-اقپارات