Abai.kz سايتى كەشە  ايدىن ايىمبەتوۆتىڭ عارىشقا اتتانار ساتىندەگى ۆيدەو-كورسەتىلىمدى ەل نازارىنا ۇسىنعان ەدى. سول ۆيدەوداعى  عارىشكەرلەردى كيەلى سۋمەن شوقىندىرىپ جاتقان ساتكە وقىرماندارىمىز ەرەكشە نازار اۋدارىپ، باس ءمۇفتيدىڭ قازاق عارىشكەرىنە بەت سيپاپ، باتا بەرمەگەنىنە قىنجىلىس بىلدىرگەن بولاتىن. 

بۇگىن ءبىزدىڭ پورتالعا قازاقستان مۇسىلماندارى ءدىني باسقارماسى ءباسپاسوز قىزمەتىنەن ارنايى مالىمدەمە كەلىپ ءتۇستى. وندا: «قازاقستان مۇسىلماندارى ءدىني باسقارماسىنا جانە قمدب-نىڭ قىزىلوردا وبلىسى بويىنشا وكىلدىگىنە قازاقتان شىققان ءۇشىنشى عارىشكەر – ايدىن ايىمبەتوۆتى عارىشقا ۇشىرۋ راسىمىنە ۇيىمداستىرۋشىلار تاراپىنان شاقىرتۋ كەلمەدى. ءدىني راسىمدەر ورىندالاتىنى جايىندا حابار جەتكىزىلمەدى» - دەلىنگەن.

سونداي-اق، قمدب ءباسپاسوز ءبولىمىنىڭ مەڭگەرۋشىسى اعابەك قوناربايۇلى: «تاريحي شاراعا باس ءمۇفتي باستاپ، يمامدار دۇعا-تىلەكتەرىن جاۋدىرىپ، باتاسىن بەرىپ جاتسا، جاراسىپ-اق كەتەر ەدى دەپ ويلايمىن. ويتكەنى، يمامدار قوعامدىق ءىس-شارالارعا اتسالىسىپ، يگى باستامالاردا بەلسەندىلىك تانىتىپ كەلەدى»، – دەدى. 

Abai.kz