«سامۇرىق-قازىنا» اق قوردىڭ باسقارما مۇشەلەرى وزدەرىنە تاعايىندالعان 345 ملن تەڭگە سىياقى تۋرالى شىندىققا ساي كەلمەيتىن اقپاراتتىڭ باق-تا جاريالانۋىنا قاتىستى ءباسپاسوز ءماسليحاتىن وتكىزدى، - دەپ حابارلايدى egemen.kz ءتىلشىسى. 

شاراعا قوردىڭ قارجى ديرەكتورى – باسقارما مۇشەسى نۇرلان راحمەتوۆ پەن قوردىڭ ادام رەسۋرستارىن باسقارۋ جونىندەگى باس ديرەكتورى دەنيەل كريۋسبەرگ قاتىستى. «باق-تا جاريالانعان بۇل اقپاراتتار شىندىققا ساي كەلمەيدى. ويتكەنى، بۇل 2013 جىلعى جۇمىس قورىتىندىسىنا قاتىستى مالىمەتتەر. بۇل سومانىڭ ىشىندە جىلدىق جالاقى مەن سالىقتار جانە وزگە دە مىندەتتى تولەمدەر قوسا ەسەپتەلگەن»، — دەدى قوردىڭ قارجى ديرەكتورى — باسقارما مۇشەسى نۇرلان راحمەتوۆ. 

ەستەرىڭىزگە سالامىز، كەشە باق-دا "سامۇرىق-قازىنا" ۇلتتىق ءال اۋقات قورىنىڭ باسقارما باسشىلارى 345 ملن تەڭگە سىياقى العانى جونىندە اقپارات تاراعان بولاتىن. قازاقستاننىڭ قارجى بيرجاسىنىڭ (KASە) رەسمي تىزىمىندەگى قۇندى قاعازداردى باقىلاپ وتىراتىن كASE ۇيىمى 2014 جىلى «Cامۇرىق-قازىنانىڭ» باسقارما مۇشەلەرى 345 468 مىڭ سىياقى العانىن جاريالاعان ەدى.

اتالعان سايتتىڭ مالىمەتتەرىنە سۇيەنسەك، «سامۇرىق-قازىنا» ۇلتتىق ءال اۋقات قورى» اكتسيونەرلىك قوعامى باسقارماسىنىڭ التى مۇشەسى بار. ولار: ومىرزاق شۇكەەۆ (باسقارما باسشىسى), ەلەنا باحمۋتوۆا (باسقارما باسشىسىنىڭ ورىنباسارى), داۋرەن ەردەباي (باسقارما باسشىسىنىڭ ورىنباسارى), نۇرلان راحمەتوۆ (قارجى ديرەكتورى، باسقارما مۇشەسى), تالعات سارسەنباەۆ (قۇقىقتىق سۇراقتار جونىندەگى باس ديرەكتور، باسقارما مۇشەسى) جانە بەرىك بەيسەنعاليەۆ (بيزنەستى دامىتۋ جونىندەگى باس ديرەكتور، باسقارما مۇشەسى).

اباي-اقپارات