22 قىركۇيەك 2014 جىل. «قازمۇنايگاز» بارلاۋ ءوندىرۋ» اق («قمگ ءبو»، «كومپانيا») قمگ ءبو ەنشىلەس جانە تاۋەلدى كومپانيالارى ۇجىمدارىنىڭ اراسىنداعى III سپارتاكيادانىڭ باستالعانىن حابارلايدى. بيىل سپارتاكيادا قىزىلوردا قالاسىندا، «قازگەرمۇناي» بك جشس بازاسىندا ءوتىپ جاتىر. بۇعان دەيىن 2012 جانە 2013 جىلدارى سپارتاكيادا استانا مەن جاڭاوزەن قالالارىندا وتكەن بولاتىن.

 سپورت سايىسىنا «ەمبىمۇنايگاز» اق، «وزەنمۇنايگاز» اق، «قاراجانباسمۇناي» اق، «قازگەرمۇناي» بك جشس، «تەحنولوگيالىق كولىك جانە ۇڭعىمالارعا قىزمەت كورسەتۋ باسقارماسى»، قمگ ءبو ورتالىق اپپاراتى مەن ينجەنەرلىك ورتالىق، «ۋرال ويل گاز» جشس، «كارپوۆسكي سەۆەرنىي» جشس، «بارلاۋ اكتيۆتەرى» جشس قۇراما كوماندالارى قاتىسۋدا – استانا، ورال قالالارى مەن اتىراۋ، ماڭعىستاۋ، قىزىلوردا وبلىستارىنان بارلىعى 300-دەن استام مۇنايشى جينالدى.

 بەس كۇن بويى (22 – 26 قىركۇيەك ارالىعىندا) مۇنايشىلار ۆولەيبول، باسكەتبول، ميني-فۋتبول، ۇستەل تەننيسى، سۋعا ءجۇزۋ، جەڭىل اتلەتيكا، شاحمات، قازاقشا كۇرەس پەن توعىز قۇمالاق سياقتى سپورت تۇرلەرىنەن سايىسادى.

 سپارتاكيادانىڭ اشىلۋ سالتاناتىندا قمگ ءبو باس ديرەكتورى ابات نۇرسەيىتوۆ: ء«بىزدىڭ كومپانيا ءوز قىزمەتكەرلەرىنىڭ مۇمكىندىگىنشە سپورتپەن اينالىسىپ، جانۇياسىمەن بىرگە ۋاقىت وتكىزۋىنە بارلىق جاعدايدى جاسادى. جاڭاوزەن قالاسىندا قمگ ءبو قاراجاتىنا راحمەت وتەسىنوۆ اتىنداعى سپورت كەشەنى سالىندى. اتىراۋ وبلىسىندا بىرنەشە سپورت كەشەنىن تۇرعىزدىق. قىزىلوردا وبلىسىندا «قازگەرمۇناي» كومپانياسى جەرگىلىكتى حالىققا ۇنەمى الەۋمەتتىك قولداۋ كورسەتەدى. جاقىندا كومپانيا قۇنى 70 ملن. تەڭگە بولاتىن دەمالىس ساياباعىنىڭ قۇرىلىسىن قارجىلاندىردى، وندا باسسەين، بالالارعا ارنالعان الاڭدار بار، وتباسىلىق دەمالىسقا بارلىق جاعداي جاسالعان. كيەلى قىزىلوردا جەرىندە ءبىر-بىرلەرىڭىزبەن جارىسىپ قانا قويماي، ارىپتەستەرىڭىزبەن تانىسىپ، ۇجىمىمىزدىڭ ىنتىماعىن ارتتىرۋلارىڭىزعا تىلەكتەسپىن.»

 وتكەن جىلدارى سپارتاكيادا جەڭىمپازدارى سىيلىقتار جانە اقشالاي سىياقىلارمەن ماراپاتتالعان. 2012 جانە 2013 جىلدارى جالپى كوماندالىق ەسەپتە «وزەنمۇنايگاز» مۇنايشىلارى ءبىرىنشى ورىندى الىپ كەلدى.

اباي-اقپارات