«مەنيا بەسپوكويات پوياۆليايۋششيەسيا انتيروسسيسكيە ماتەريالى ۆ سمي كازاحستانا» دەپ (http://old.abai.kz/content/s-ltanov-myrza-siz-kimsiz) قازاق ءباسپاسوزى مەن قازاقتىلدى سايتتاردى ماسكەۋىنە جامانداپ، كرمەلىنە جاعىنىپ سويلەۋدەن جاعى تالماعان، قازاقستاننىڭ رەسەيسىز دەربەس ساياساتى بولماۋى كەرەكتىگىن اركەز ەسكەرتىپ وتىرۋدان قاجىماعان «قايران ەر» بولات سۇلتانوۆ قىزمەت جاساعان پرەزيدەنت جانىنداعى ستراتەگيالىق زەرتتەۋلەر ينستيتۋتىنىڭ (كيسي) ديرەكتورلىعىنا ەرلان قارين تاعايىندالدى. ەرلان تىنىمبايۇلىن ينيستيتۋت باسشىلىعىنا بەكىتە كەلگەن ءپا جەتەكشىسى نۇرلان نىعىماتۋلين  ستراتەگيالىق زەرتتەۋلەر ورتالىعىنىڭ قازىرگى قىزمەتى سىن كوتەرمەيتىندىگىن ايتىپ، پرەزيدەنت جانىنداعى ستراتەگيالىق زەرتتەۋلەر ينستيتۋتىنىڭ مارتەبەسى جونىندە قۇجات بەكىتىلىپ، الداعى ۋاقىتتا بۇل ورتالىقتىڭ ءرولى كۇشەيەتىنىن ەسكەرتكەن كورىنەدى (http://saigez.kz/?p=2171). بۇگىنگىدەي الماعايىپ زاماندا راسىمەن-اق حالىقارالىق احۋالدى ءجىتى قاداعالاپ، ساراپتاما جاساپ وتىراتىن ورتالىق تىم قاجەت ەكەنى جانە ونداي ورتالىقتىڭ تورىنەن بولات سۇلتانوۆ، ەرمۇحامەت ەرتىسباەۆ سياقتى ءبىردى ايتىپ، بىرگە كەتەتىن اينىمالى ساياساتكەرلەر ەمەس، ماۋلەن اشىمباەۆ، ەرلان قاريندەردەي تاباندى ازاماتتاردىڭ تابىلعانى دۇرىس.  

ەرلان تىنىمبايۇلى قارين 1976 جىلى 26 مامىردا وڭتۇستىك قازاقستان وبلىسىنىڭ سايرام اۋدانىندا دۇنيەگە كەلگەن. ق.جۇبانوۆ اتىنداعى اقتوبە مەملەكەتتىك ۋنيۆەرسيتەتىن، ءال-فارابي اتىنداعى قازاق ۇلتتىق ۋنيۆەرسيتەتىنىڭ اسپيرانتۋراسىن بىتىرگەن. ساياساتتانۋ عىلىمدارىنىڭ كانديداتى. 1998 جىلدان 2000 جىلعا دەيىن قازاقستان دامۋ ينستيتۋتىنىڭ ساياسي زەرتتەۋ ورتالىعىندا عىلىمي قىزمەتكەر بولىپ ەڭبەك ەتتى. 2005 جىلدارى ورتا ازيالىق ساياسي زەرتتەۋ اگەنتتىگىنىڭ ديرەكتورى، 2005-2006 جىلدارى تەررورلىققا قارسى ورتالىق باعدارلاماسىنىڭ باعدارلاما ديرەكتورى قىزمەتىن اتقاردى. ماڭعىستاۋ وبلىسى اكىمىنىڭ كەڭەسشىسى بولدى. سوڭعى كەزدە قازاقستان رەسپۋبليكاسى پرەزيدەنتى اكىمشىلىگىنىڭ ىشكى ساياسات ءبولىمىنىڭ مەڭگەرۋشىسى قىزمەتىن اتقاردى. 2008-2013 جىلدارى «نۇر وتان» حدپ حاتشىسى بولدى. «قۇرمەت» وردەنىمەن ماراپاتتالعان.

«ەل ءبىز ءۇشىن ەمەس، ءبىز ەل ءۇشىن تۋعانبىز» (ج. ايماۋىتوۆ) دەيتىن الاش ارداگەرلەرىنىڭ اماناتىنا بەرىك ەرلان مىرزانى جاڭا قىزمەتىمەن قۇتتىقتاپ، ىستەرىنە ساتىلىكتەر تىلەيمىز.

Abai.kz