قازاقتىڭ مەملەكەتتىك م.اۋەزوۆ اتىنداعى اكادەميالىق دراما تەاترى جاس دراماتۋرگتار ءۇشىن رەسپۋبليكالىق «زامانداس كەلبەتى» اتتى بايقاۋ جاريالاپ جاتىر. بايقاۋدىڭ ماقساتى مەن مىندەتتەرى، وتكىزۋ مەرزىمى مەن ءتارتىبى تۋرالى قۇلاققاعىس بىزدەن بۇرىن ءداستۇرلى ءباسپاسوز بەتتەرىندە جارىق كورىپ ۇلگەرىپتى. شاماسى، سودان بەرى «اكەمتەاتردىڭ» حاتقورجىنى تىڭ دۇنيەلەرگە تولىپ قالعان دا شىعار.

باس تەاتردىڭ بۇل تالابى - قۇپتارلىق تالاپ. ويتكەنى قازىر بەلگىلى دەگەن دراماتۋرگتەردىڭ قاتارى سيرەپ، بارى شاۋ تارتىپ بارادى. پروزا مەن پوەزيا الەمىندە تانىلىپ قالعان جاستار بولسا دراماتۋرگياعا ات باسىن بۇرار ەمەس. تۋراسىن ايتساق، دراماسى كوپ بۇگىنگى قوعامدا درامتۋرگتەر جوق. نەگە بۇلاي؟

تالاپكەر دوس، تومەندەگى بايقاۋ شارتىمەن تانىسىپ كورىڭىز، بايقاۋعا قاتىسۋ مەرزىمىنە از قالسا دا باق سىناپ باعىڭىز. بالكىم، ءسىزدى م.اۋەزوۆ اتىنداعى اكادەميالىق دراما تەاتردىڭ ءتورى كۇتىپ تۇرعان بولار!

1.بايقاۋدىڭ ماقساتى مەن مىندەتتەرى:

- ساحنادا بۇگىنگى زامانداس كەلبەتىنىڭ بەينەلەنۋىنە، تاۋەلسىز قازاقستاننىڭ - موينىنا

جاۋاپكەرشىلىك الا بىلەتىن، جاڭا زامانعا، ۋاقىتتىڭ تالاپتارىنا ساي - جاڭا كەيىپكەرلەرىنىڭ

شىعۋىنا ىقپال ەتۋ.

- جاڭا كوركەمدىك كەڭىستىكتەردىڭ يگەرىلۋىنە جول اشىپ، دراماتۋرگيادا جاڭا ەسىمدەردىڭ پايدا

بولۋىنا جانە ولاردىڭ كاسىبي وسۋىنە مۇمكىندىك تۋدىرۋ

2. بايقاۋدى وتكىزۋ مەرزىمى:

- پەسالار 1 جەلتوقسانعا دەيىن (2014ج.) قابىلدانادى

- بايقاۋ ناتيجەسى 16 جەلتوقسان (2014ج.) – قر تاۋەلسىزدىگى كۇنى قارساڭىندا جاريالانادى.

3. بايقاۋدى وتكىزۋ ءتارتىبى:

- بايقاۋعا 40 جاسقا دەيىنگى رەسپۋبليكا ازاماتتارى جانە شەتەلدەگى قانداستارىمىز قاتىسا

الادى.
- بايقاۋعا قازىرگى تەاتر تالابىنا ساي جازىلعان، ەش جەردە قويىلماعان، جاريالانباعان، وزگە

بايقاۋلارعا قاتىسپاعان جاڭا پەسالار (اۆتور تۋرالى مالىمەتتەرمەن قوسا) جولدانۋى

شارت. جانرعا شەكتەۋ قويىلمايدى.

- بايقاۋعا ۇسىنىلاتىن پەسالار كومپيۋتەرلىك 40 بەتتەن اسپاۋى ءتيىس (شريفت Times New

Roman-12). پەسالار ءماتىنى teatr_auezov@bk.ru ەلەكتروندى پوشتاسىنا جانە تەاتر مەكەن-

جايىنا - 050008. الماتى قالاسى، اباي داڭعىلى، 103 - جولدانۋى شارت.

- بايقاۋعا تۇسكەن جوبالاردى كاسىبي مامانداردان تۇراتىن ساراپشىلار كەڭەسى ساراپتايدى.

4. بايقاۋ جۇلدەلەرى:

- ەڭ ۇزدىك دەپ تانىلعان پەسالار تەاتر رەپەرتۋارىنا الىنىپ، ساحنالانادى.

- ءساتتى دەگەن پەسالار اۆتورلارىنا رەجيسسەرلەرمەن بىرىگە جۇمىس جاساۋ، ارىپتەستىك ويداعىداي

بولعاندا تەاتر ساحناسىندا قويۋ مۇمكىندىگى قاراستىرىلادى.

- رۋحى، فورماسى بايقاۋ تالابىنا ساي پەسالاردى جاس رەجيسسەرلەر، اكتەرلەر

لابوراتوريالارىندا وقۋ ۇيىمداستىرىلادى.

انىقتاما تەلەفوندارى – 8 (727) 378-54-11, 8-701-722-23-07, 8-777-704-71-71.

Abai.kz