الماتىدا «دامۋ» كاسىپكەرلىكتى قولداۋ قورى جۋرناليستەر اراسىندا ۇيىمداستىرىلعان «بيزنەستىڭ جول كارتاسى-2020» باعدارلاماسى جانە «قازاقستانداعى كاسىپكەرلىك باق نازارىندا» اتتى بايقاۋدىڭ جەڭىمپازدارىن ماراپاتتادى. 

بايقاۋعا ەلىمىزدىڭ 24 قالاسىنان 109 ءتىلشى قاتىسقان. قازىلار القاسى بارلىعى 432 جۇمىس ىشىنەن ۇزدىكتەرىن انىقتادى. تەلەارنالار اراسىندا قازاق تىلىندە جاريالانعان ۇزدىك سيۋجەت رەتىندە «الماتى» تەلەارناسىنىڭ ءتىلشىسى ۇمبەتالى مەيمەشتىڭ جۇمىسى تانىلسا، ورىس تىلىندەگى تەلەارنالار ىشىندە «جاستار كورپوراتسياسى» اتتى تەلە جوباسىمەن «ريكا-تۆ» ارناسىنىڭ ءتىلشىسى مارينا ۆاسيلەۆا جۇلدەلى ورىندى يەلەندى. «عالامتورداعى ۇزدىك ماقالا» اتالىمى بويىنشا قازاق تىلىندەگى باسىلىمداردىڭ اراسىندا«قازاقپارات» اگەنتىگىنىڭ الماتىداعى ءتىلشىسى جاپپاربەرگەن ايبوتا ء بىرىنشى ورىنعا لايىق دەپ تانىلدى.

«قازاق تىلىندەگى ۇزدىك راديوسيۋجەت» اتالىمى بويىنشا «قازاقستان-تاراز» راديوسىنىڭ ءتىلشىسى ماقۇلبەك مالداربەكوۆتىڭ جۇمىسى ۇزدىك دەپ تانىلسا، ورىس تىلىندەگى راديوجۋرناليستەر اراسىندا ءبىرىنشى ورىن قوستانايلىق «كاراۆان نوۆوستەي» راديوسىنىڭ ءتىلشىسى كونستانتين دولجانسكيگە بۇيىردى.

«مەرزىمدى باسپاسوزدەگى» ۇزدىك جاريالانىم» اتالىمى بويىنشا «اقتوبە» گازەتىنىڭ ءتىلشىسى مەيرامگۇل ساتاەۆا مەن «ساپا تالدىقورعان» گازەتىنىڭ ءتىلشىسى كسەنيا كلەەۆا جەڭىمپاز اتاندى.

ال، «كاسىپكەرلىكتى قولداۋدى بەلسەندى ناسيحاتتاعانى ءۇشىن» ارنايى سىيلىعى «زاكون.كز» ءتىلشىسى تورعىن نۇرسەيىتوۆا مەن «پانوراما» باسىلىمىنىڭ ءجۋرناليسى نيكولاي دروزد، «قازاق راديوسىنىڭ» رەداكتورى ريتا سارسەنگە بۇيىردى.