قر يدم بايلانىس، اقپاراتتاندىرۋ جانە اقپارات كوميتەتىنىڭ توراعاسى ساكەن سارسەنوۆ الماتى قالاسىنداعى حالىققا قىزمەت كورسەتۋ ورتالىقتارىنىڭ جۇمىسىن تەكسەرىپ قايتتى. 

ورتالىقتارعا جاسالعان ساپار بارىسىندا فيليال جۇمىسىنىڭ تيىمدىلىگىن بۇدان ءارى دە ارتتىرۋ جونىندە بىرقاتار تاپسىرمالار بەرىلدى.

«سىزدەردىڭ كەڭەسشىلەرىڭىز كليەنتتەرگە قىزمەتتەردى «Connection Point» ارقىلى ءوز بەتىنشە الۋدى ۇسىنۋى كەرەك. ول ءوز كەزەگىن كۇتكەن ۋاقىت ىشىندە وعان ەلەكتروندىق قول تاڭبا بەرۋگە، ونى قالاي پايدالانۋعا بولاتىندىعىن ۇيرەتۋگە جانە قاجەتتى قىزمەتتى الۋىنا كومەكتەسۋگە بولار ەدى. جانە دە بۇل ادام وسى كومەگىڭىز ءۇشىن سىزگە ءدان ريزا بولارى انىق.ء وز كليەنتتەرىڭىزدىڭ ۋاقىتىن ۇنەمدەڭىزدەر»، - دەدى سارسەنوۆ الماتىلىق حقكو باسشىلارىمەن كەزدەسۋىندە.

ايتا كەتەيىك، بۇگىنگى كۇنى وسىنداي الاڭدار ەلىمىزدىڭ بارلىق حقكو-لارىندا اشىلدى، اعىمداعى جىلدىڭ 10 ايىنىڭ ىشىندە عانا قازاقستاندىقتار ول جەرلەردە 5 ملن. استام كەڭەستەر مەن قىزمەتتەر الىپ ۇلگەردى.

سونداي-اق،  سارسەنوۆ كوميتەتتىڭ حقكو اقپاراتتىق جۇيەسى ارقىلى كورسەتىلەتىن قىزمەتتەر بويىنشا مەرزىمى ءوتىپ ورىندالعان قۇجاتتاردى انىقتاۋ بولىگىندە جۇمىستىڭ كۇشەيتىلگەندىگىن ايتىپ ءوتتى. مەملەكەتتىك قىزمەتتەردى كورسەتەتىن مەملەكەتتىك ورگانداردىڭ كىناسىنەن مەملەكەتتىك كورسەتىلەتىن قىزمەتتەردى ۇسىنۋداعى مەرزىمدەردىڭ بۇزىلۋى تۋرالى اقپارات ەندى اي سايىن قر ۇكىمەتىنە جانە پرەزيدەنت اكىمشىلىگىنە جولدانادى. بۇل رەتتە، مەرزىمدى بۇزۋ حقكو قىزمەتكەرىنىڭ كىناسىنەن بولسا، ەڭ الدىمەن بۇل ءۇشىن ونىڭ باسشىسى جاۋاپتىلىقتا بولادى.

الماتى قالاسىنداعى مامانداندىرىلعان حقكو-سىنا ساپارى بارىسىندا ساكەن سارسەنوۆ «شوفەرلىك كوميسسيانىڭ» جۇمىسىمەن تانىستى جانە دە وسى تاجىريبەنى جۇرگىزۋشى كۋالىكتەرىن بەرۋ بويىنشا قىزمەتتەر كورسەتىلەتىن قالعان حقكو-لاردا دا كەڭىنەن تاراتۋعا تاپسىرما بەردى.

«شوفەرلىك كوميسسيانىڭ» اعىمداعى جىلدىڭ قازان ايىندا الماتىلىق مامانداندىرىلعان حقكو-دا ىسكە قوسىلعاندىعىن اتاپ وتەمىز.اتالمىش جاڭا سەرۆيس اۆتوكولىك يەلەرىنە «083ۋ» انىقتاماسىن تىكەلەي مامانداندىرىلعان حقكو-نىڭ عيماراتىندا الۋعا مۇمكىندىك بەرەدى. 

مامانداندىرىلعان حقكو-لاردىڭ استانا، الماتى، قاراعاندى، اقتاۋ جانە تاراز قالالارىندا جۇمىس جاساپ جاتقاندىعىن ەسكە سالامىز. جۋىق ارادا وسىنداي 4 ورتالىق پاۆلودار، تالدىقورعان، قىزىلوردا جانە پەتروپاۆل قالالارىندا اشىلاتىن بولادى.

الماتىعا ساپارىنىڭ قورىتىندىلارى بويىنشا بايلانىس، اقپاراتتاندىرۋ جانە اقپارات كوميتەتىنىڭ توراعاسى بارلىق حالىققا قىزمەت كورسەتۋ ورتالىقتارى باسشىلارىنىڭ قاتىسۋىمەن بەينەكونفەرەنتسيا بايلانىسى رەجيمىندە كەڭەس وتكىزدى.