«قازاقستان تۇرعىن ءۇي قۇرىلىس جيناق بانكىنىڭ» كليەنتتەرى ءۇشىن قاجەتتى قۇجاتتار سانى ەداۋىر قىسقاردى.
ەندى بانك كەلىسىمشارت جاساۋ ءۇشىن ازاماتتىڭ تەك جەكە كۋالىگىن سۇرايدى. باعدارلاماعا «جاس وتباسىلارعا ارنالعان تۇرعىن ءۇي» باعىتى بويىنشا قاتىسۋشىلار جەكە كۋالىككە اكىمدىكتىڭ جولداماسىن قوسا الىپ كەلۋى ءتيىس. ال «بارلىق ساناتتاعى ازاماتتارعا ارنالعان تۇرعىن ءۇي» باعىتى بويىنشا جەكە كۋالىك پەن جالاقى تۋرالى انىقتاما قاجەت بولادى.
سونداي-اق «قولجەتىمدى باسپانا-2020» باعدارلاماسىنىڭ قاتىسۋشىلارى باعدارلاماعا قاتىسۋعا جانە تولەم قابىلەتىن باعالاۋعا ءوتىنىش بەرگەنى ءۇشىن ۇستالاتىن كوميسسيادان بوساتىلدى. ياعني، كليەنتتىڭ 15 مىڭ تەڭگەسى قالتاسىندا قالادى.
سونىمەن قاتار، تولەم قابىلەتىن راستاۋعا جانە كرەديتتىك ءوتىنىمدى راسىمدەۋگە قۇجاتتار تاپسىرۋ كەزىندە كليەنتتەر تولتىراتىن قۇجاتتار سانى دا قىسقارعان.
«جاس وتباسىلارعا ارنالعان تۇرعىن ءۇي» باعىتى بويىنشا قاتىسۋشىلار اي سايىنعى جيناق جارناسىن ۇزبەي تولەسە نەمەسە مەرزىمىنەن بۇرىن سالىپ قويسا بولدى، تولەم قابىلەتىن راستاماسا دا بولادى.
تابىستى راستاۋ ەرەجەسى وزگەردى. جۇمىس ورنىن اۋىستىرعان ازاماتتاردان ەندى التى ايدىڭ ورنىنا ءۇش ايدىڭ تابىسى تالاپ ەتىلەدى.

اباي-اقپارات