شىعىس قازاقستان وبلىسىندا «قولجەتىمدى باسپانا» باعدارلاماسى بويىنشا سالىنعان كوپقاباتتى تۇرعىن ۇيلەردىڭ قاتارى جىل سايىن ارتىپ كەلەدى. بىلتىرعى جىلى وسكەمەن قالاسىنىڭ وزىندە عانا 90 مىڭ شارشى مەتر تۇرعىن ءۇي سالىندى.
ال، وڭىردەگى «تۇرعىن ءۇي قۇرىلىس جيناق بانكى» ارقىلى قارجى جيناپ، ماقساتتارىنا جەتكەن جاڭا پاتەر يەلەرىنىڭ قۋانىشتارىندا شەك بولعان جوق. سولاردىڭ ءبىرى ايدىن سۇلتانوۆ. وسى ۋاقىتقا دەيىن پاتەر جالداپ كەلىپتى. ول اسكەري قىزمەتكەر. ايىنا 40-50 مىڭ تەڭگە تولەپ، پاتەردەن-پاتەرگە كوشىپ ءجۇرۋ كىمگە بولسا دا وڭاي سوقپاسى انىق. ايدىن «تۇرعىن ءۇي قۇرىلىس جيناق بانكىنە» بىرەر جىل اقشا جينادى. ءسويتىپ، سۋ جاڭا 3 بولمەلى پاتەردىڭ يەسى اتانعان.
- جاستار ءۇشىن باسپانا ەڭ باستى ماسەلە عوي. بۇگىن شىن مانىندە باقىتتىمىز، وسى قۇرىلىستى جۇرگىزىپ، تۇرعىن ۇيلەر سانىن جىل ساناپ كوبەيتىپ جاتقان وبلىس باسشىلىعىنا، «تۇرعىن ءۇي قۇرىلىس جيناق بانكىنە» زور العىسىمدى ايتقىم كەلەدى، - دەيدى ايدىن سۇلتانوۆ.
اباي-اقپارات