اۋەلدە ەسىكتەن يمەنە ەنگەن، تۇرا كەلە تەرەزەنى جاعالاپ تورگە وزعان شەتەلدىك كومپانيالارعا جال بىتە باستاعان سىڭايلى.  ىشكى قىرىندىسىنا ونسىز دا ينە جۇگىرتپەيتىن ولار ەندى ەلىمىزدىڭ زاڭىنا پىسقىرماي وتىرعان كورىنەدى.

مىنە، قازاقستانداعى ءجۇز وتىزدان استام شەتەلدىك كومپانيا 6 ملرد. تەڭگەدەن اساتىن سومانىڭ سالىعىن تولەمەي جۇرگەلى ءبىرشاما ۋاقىت بولىپتى. ەلىمىزدىڭ قارجى ۆيتسە-ءمينيسترى ارداق تەڭگەباەۆ وسىلاي دەپ الاقان جايىپ وتىر. وتاندىق نارىقتا شاش ەتەكتەن پايداعا كەنەلىپ، سالىققا كەلگەندە شەكەسىنەن قارايتىن شەتەلدىك ىسكەرلەردىڭ بۇل قارىزىن قايتارۋعا ەندى ولاردىڭ وتانىنان كومەك سۇراماقپىز. ابىراي بولعاندا، قازاقستان «سالىق ىستەرى بويىنشا ءوزارا اكىمشىلىك كومەك تۋرالى» حالىقارالىق كونۆەنتسياعا مۇشە ەكەن. «وسى قۇجات بويىنشا ەندى جاتجۇرتتىق جىلپوستاردىڭ ىزىنە تۇسەمىز» -دەيدى قارجى ۆيتسە-ءمينيسترى.

اشەيىندە، جالپى تولەمدەردى جارتى كۇنگە كەشىكتىرگەنگە جالاۋلاتىپ جەتەتىن قۇزىرلى سالىق ورگاندارىنىڭ قىزمەتكەرلەرىن تۇسىنگىڭ كەلەدى...

اباي.kz