موڭعوليا قازاقتارىنىڭ ادەبي رۋحاني ءۇنى - «شۇعىلا» جۋرنالى وتكەن جىلدىڭ ۇزدىكتەرىن انىقتادى.  «شۇعىلا » جۋرنالى 1957 جىلدان شىعا باستاعان موڭعوليا قازاقتارىنىڭ تاۋەلسىز، ادەبي، عىلىمي تانىمدىق ءۇنجارياسى بولىپ تابىلادى.

«شۇعىلا» وتكەن 2014 جىلعى ۇزدىك جاريالانىمدارى مەن ۇلت رۋحانياتىنىڭ جاناشىرلارىن انىقتادى. بۇل جولى 2013 - 2014 جىلدارداعى كەزەكتى سانداردا جارىق كورگەن كەيبىر ادەبي پۋبليتسيستيكالىق شىعارمالار دا ەسكەرىلدى. جاريالانىمداردى ساراپتاي كەلە، جىل ۇزدىكتەرى تومەندەگىدەي رەتپەن انىقتالىپ وتىر:

يمانعالي نۇرعاليۇلى تاسماعامبەتوۆ ,

استانا قالاسىنىڭ بۇرىنعى اكىمى، قازاقستان رەسپۋبليكاسىنىڭ قورعانىس ءمينيسترى – شەتەلدەگى عۇرباتتاردىڭ رۋحاني جاناشىرى;

(بۇل تۋرالى اقپاراتتار «شۇعىلا» جۋرنالىنىڭ 2014 جىلعى №3, 4 ساندارىندا جاريالانعان)

راقىمجان وتارباي،

جازۋشى، رەسپۋبليكالىق «اق جايىق» جۋرنالىنىڭ باس رەداكتورى - «شىڭعىس حاننىڭ كوز جاسى» حيكاياتى بويىنشا;

گۋنااجاۆىن ايۋرزانا،

موڭعول اقىنى، ادەبيەت زەرتتەۋشىسى، پروزاشى – قازاقشا جاريالانعان توپتاما ولەڭدەرىمەن;

ءومىرجان ابدىقالىق،

جازۋشى، «توپىراق»، «ۆولوديانىڭ باسى» قاتارلى قىسقا اڭگىمەلەرى ءۇشىن;

مو يان،

قىتاي جازۋشىسى، نوبەل سىيلىعىنىڭ يەگەرى، «مەن كىنالىمىن» سىر سۇحباتى ءۇشىن;

ازاتحان قاجى مۇقانۇلى،

موڭعوليا يسلام ءدىندارلار ءمۇفتيات وداعىنىڭ توراعاسى - ءدىني تانىمدىق شىعارمالارى ءۇشىن;

مۇرات شايماران،

قازاقتىڭ بەلگىلى اقىنى - توپتاما ولەڭدەرى ءۇشىن;

سۇلتان تاۋكەيۇلى،

بەلگىلى جازۋشى - «شۇعىلاعا» جاريالانعان اڭگىمەلەرى ءۇشىن;

قانات جانياۇلى،

موڭعول-تۇرىك بىرىككەن مەكتەبىنىڭ ديرەكتورى - شەتەلدەگى دياسپورالاردىڭ رۋحانياتىنا سىڭىرگەن ەڭبەگىنە;

ماراپتتاۋ تۋرالى تولىق  اقپاراتتار «شۇعىلا» جۋرنالىنىڭ 2015 جىلعى 1-نومىرىندە جاريالانادى.

موڭعوليا قازاق قالامگەرلەر كەڭەسى

«شۇعىلا» جۋرنالىنىڭ رەداكتسياسى

E-mail: r.suragan@yahoo.com, Erkinbek_2006@yahoo.com

تەلەفوندار: 976-99425533, 70422854

اباي-اقپارات.