الماتى. 12 مامىر. قازتاگ - ءادىل ۋرمانوۆ. قر دەنساۋلىق ساقتاۋ مينيسترلىگىنىڭ سانيتارلىق-ەپيدەميولوگيالىق قاداعالاۋ كوميتەتىنىڭ كوميسسياسى ەنەرگەتيكالىق ىشىمدىكتەردە ادام اعزاسىنا زياندى قوسپالاردىڭ بار-جوقتىعىن تەكسەرۋدى ءالى اياقتاعان جوق، دەپ حابارلادى قر دەنساۋلىق ساقتاۋ مينيسترلىگىنىڭ مەديتسينالىق جانە فارماتسەۆتيكالىق جۇمىستارعا قاداعالاۋ جۇرگىزۋ كوميتەتىڭ توراعا ورىنباسارى لاريسا پاك.

«سانەپيدقاداعالاۋ كوميتەتى ەنەرگەتيكالىق ىشىمدىكتەر بويىنشا ماسەلەنى قاراستىرىپ جاتىر. ولار تەكسەرۋدەن وتكىزگەن ىشىمدىكتەردە ولاردىڭ ساتىلۋىنا تيىم سالۋعا تۇرارلىقتاي زياندى زاتتار تابىلعان جوق. بىراق ولار بۇگىنگە سول تاعامداردى زەرتتەپ جاتقانىن بىلەمىن»، - دەدى ل. پاك، قازتاگ ءتىلشىسىنىڭ ساۋالىنا سارسەنبى كۇنگى الماتىداعى ءباسپاسوز ءماسليحاتىندا جاۋاپ بەرىپ.

سونىمەن قاتار ل. پاك ونىڭ ناتيجەسى قاشان بەلگىلى بولاتىنىن ناقتى ايتا المادى. ەسكە سالا كەتسەك، دەنساۋلىق ساقتاۋ مينيسترلىگى قازاق تاعامتانۋ اكادەمياسىمەن بىرگە ەنەرگەتيكالىق ىشىمدىكتەردىڭ قۇرامى مەن ونىڭ ادام اعزاسىنا اسەرىن زەرتتەپ جاتىر.

سونىمەن قاتار ەنەرگەتيكالىق ىشىمدىكتەردى ەكسپورتتاۋشىلار مەن وتاندىق وندىرۋشىلەردىڭ ءتىزىمى جاسالىپ، ولار ساتاتىن ىشىمدىك تۇرلەرى انىقتالۋدا. 

دەنساۋلىق ساقتاۋ مينيسترلىگىنىڭ مالىمەتتەرىنشە اتالعان ءونىمدى مەكتەپكە دەيىنگى جانە جالپى ءبىلىم مەكەمەلەرىندە ساتۋعا تيىم سالىنعان.

الماتى. 12 مامىر. قازتاگ - ءادىل ۋرمانوۆ. قر دەنساۋلىق ساقتاۋ مينيسترلىگىنىڭ سانيتارلىق-ەپيدەميولوگيالىق قاداعالاۋ كوميتەتىنىڭ كوميسسياسى ەنەرگەتيكالىق ىشىمدىكتەردە ادام اعزاسىنا زياندى قوسپالاردىڭ بار-جوقتىعىن تەكسەرۋدى ءالى اياقتاعان جوق، دەپ حابارلادى قر دەنساۋلىق ساقتاۋ مينيسترلىگىنىڭ مەديتسينالىق جانە فارماتسەۆتيكالىق جۇمىستارعا قاداعالاۋ جۇرگىزۋ كوميتەتىڭ توراعا ورىنباسارى لاريسا پاك.

«سانەپيدقاداعالاۋ كوميتەتى ەنەرگەتيكالىق ىشىمدىكتەر بويىنشا ماسەلەنى قاراستىرىپ جاتىر. ولار تەكسەرۋدەن وتكىزگەن ىشىمدىكتەردە ولاردىڭ ساتىلۋىنا تيىم سالۋعا تۇرارلىقتاي زياندى زاتتار تابىلعان جوق. بىراق ولار بۇگىنگە سول تاعامداردى زەرتتەپ جاتقانىن بىلەمىن»، - دەدى ل. پاك، قازتاگ ءتىلشىسىنىڭ ساۋالىنا سارسەنبى كۇنگى الماتىداعى ءباسپاسوز ءماسليحاتىندا جاۋاپ بەرىپ.

سونىمەن قاتار ل. پاك ونىڭ ناتيجەسى قاشان بەلگىلى بولاتىنىن ناقتى ايتا المادى. ەسكە سالا كەتسەك، دەنساۋلىق ساقتاۋ مينيسترلىگى قازاق تاعامتانۋ اكادەمياسىمەن بىرگە ەنەرگەتيكالىق ىشىمدىكتەردىڭ قۇرامى مەن ونىڭ ادام اعزاسىنا اسەرىن زەرتتەپ جاتىر.

سونىمەن قاتار ەنەرگەتيكالىق ىشىمدىكتەردى ەكسپورتتاۋشىلار مەن وتاندىق وندىرۋشىلەردىڭ ءتىزىمى جاسالىپ، ولار ساتاتىن ىشىمدىك تۇرلەرى انىقتالۋدا. 

دەنساۋلىق ساقتاۋ مينيسترلىگىنىڭ مالىمەتتەرىنشە اتالعان ءونىمدى مەكتەپكە دەيىنگى جانە جالپى ءبىلىم مەكەمەلەرىندە ساتۋعا تيىم سالىنعان.

بۇرىن حابارلانعانداي، پارلامەنت ءماجىلىسىنىڭ دەپۋتاتى ۆلاديمير نەحوروشەۆ دەنساۋلىق ساقتاۋ ءمينيسترى جاقسىلىق دوسقاليەۆتەن ەنەرگەتيكالىق ىشىمدىكتەردى (الكوگولسىز، ءالسىز الكوگولدى، الكوگولدى) ساتۋعا تيىم سالۋ بويىنشا شارالار قولدانۋىن وتىنگەن بولاتىن. ول اتالعان ىشىمدىكتەر قازاقستان جاستارىنىڭ اراسىندا وتە كەڭ تارالعانىنا نالىندى. ول وسى ىشىمدىكتەر قۇرامىنا اعزاعا زياندى سينتەتيكالىق جانە حيميالىق پرەپاراتتار كىرەتىنىن، جانە ولاردى پايدالانۋ جۇرەك اۋرۋىن تۋدىرىپ، جۇيكە جۇيەسىنە اسەر ەتىپ، اسقازان مەن باۋىر ت.ب. اۋرۋلارىنا سوقتىرادى دەپ اتاپ وتكەن.